[align=center:6b3ae9f520]هذه قصيده وجَهتها لأخي العزيزعايض بن حيبان وهي القصيدة التي من خلالها وبسببها أطلق علي لقب شاعر الجيلين وأرجوا أن تحوز على رضاءكم [/align:6b3ae9f520]
[poet font="Arial,4,white,normal,normal" bkcolor="transparent" bkimage="backgrounds/13.gif" border="double,4,gray" type=2 line=200% align=center use=ex length=0 char="" num="0,black" filter=" glow(color=black,strength=5)":6b3ae9f520]
أنا في خاطري بنيت لي قصرٍ يشوق العين= يشعَ النَور منَه والبناء يعجبك بنيانه
جلست أبني وأصمم وأتفنَن به يجي عامين = لأجل يطلع تفنَن يعجب الناظر تفنَانه
خذيت مهندسٍ يبغى يزين منزلي تزيين =وتركت الخادع اللي فكرته تخريب وخيانه
أنا أفكر وأصمم والمهندس كوَنه تكوين = يوازن فكرته مع فكرتي ما أختل ميزانه
جعل فيها نوافيرٍ تحتها نور له لونين = وجعل فيها نخيلٍ يختلط مع زين بستانه
وأنا بأسمي وبأسم اللي بنوا قصري نجي مهدين= لأبو محمد ولد حيبان عايض يا كبر شانه
عسى رجلٍ تعلى بالقصيد من أولا و الحين = ومع طيب المكارم والمراجل ما ترك خانه
عسى عمره طويل ويتهنى بالحياه سنين =وعسى طير السَعد في دنيته يرفَ جنحانه
تسلسل من رجالٍ طبعهم فالمرجلة ذربين =وتنومس من فعول الطيبين فعول جدَانه
وهو من نسل شيخٍ لا غدا علم الكرم علمين = ( أبو خــالــد) تعلوا بالكرم لا جوه ضيفانه
-
شاعر الجيلين
-
[/poet:6b3ae9f520]
أنا أغلي القافية والعون لا من جات من غالين = أقوم لها مقام نرخص الغالي على شانه
الا يا مرحبا ترحيبة منها الحديد يلين = من هجوس على المعنى ونظم القاف شفقانه
أرحب بالبيوت اللي يثمن حرفها تثمين = معانيها على قول العرب جزلة ومليانه
بدعها شاعر ما يجهل الوحدة من الثنتين = يجيب العلم واللي يثبت الموضوع برهانه
بناها في ضميره لين عمرها على دورين = وجاب مهندس لمخطط المبنى وسيسانه
وخلّى اللي يخادع فكرته يقفي مع المقفين = وواصل فكرته من شان مشروعه وزيّانه
وزيّن له نوافير يجي لأنوارها شكلين = وزرع في بخشة القصر الخيالي كل ريّانه
على وصف الموصف يشبه لقصر الشريف حسين = ومشروع يكلف ذا الكلايف يبغي صيانه
على متن الخيال يسوقها من وين إلى ما وين = وسارت في تصرف (شاعر الجيلين) طربانه
علي أهدى فهد باسمه وباسم اصحابه الباقين = معاني وصفها ما بين ياقوته ومرجانه
ولكن الهدية يوم خلّى دروبها دربين = وعطاني فرصة ما تشترى بالمال واثمانه
ومنها يا نديبي فوق مامون على التمرين = على حسب المزايا ختّم الجفالي امانه
جديد وارده لاما مشى ما يلهي العجلين = يوصل من تخاتيخ الخلا من دون عربانه
عليك الله وامان الله وشرع المصطفى والدين = توصل لازم ما تنثني من دون عنوانه
ومنصاك الرجال اللي توقف في النهار الشين = أهل حلوان لاما قابل الديّان ديانه
واهل فعل نماري به مع الأقصين والأدنين = وعلى طول الزمان اللي مضى ما ضاعت الوانه
خذا من منهج التاريخ لا باب ولا بابين = من ايام الحدث لا يومنا ما بنّد اعلانه
مقابيس الظلام اللي تشق النور للسارين = ومداويس الخطر لا ما اقبل العدوان فتّانه
عليهم يا نديبي بلّغ الدانين والقاصين = سلامي عدّ ما همّل سحاب الصيف ودّانه
على راس الحكيم اللي يكسّر شوكة المخطين = ويعطي الحق لا يفرض على نفسه لعدوانه
ابو شارع خذا قسم الوفاء من منهج الوافين = عسى عمره طويل ووسع الله قبر شيبانه
وعلى راس الكريم اللي يذبّح في سمان الظين = مناعير النشاما مرجهنين بديوانه
على بن اليمن والعود الازرق والجناب الزين = ابو خالد فعوله كلها طلق لحجانه
وعسى ربي يبارك في معاني (شاعر الجيلين) = ما دام انه عطاني فرصة من طرق قيفانه
خذيت بها ملامح من سجل اجداده الماضين = وجعلت بها رموزعن بعض ما قدم ابوانه
قصيدة موجهة للشاعر / عايض بن حيبان
العرض العادي
