[align=center:4120313d72]هذه القصيده رداً على قصيدة محمد الواهبي
التي سبق وان ارسلها قبل ايام
وانا اعتذر عن التاخير
واملي ان اكون قد وفقت في الرد[/align:4120313d72]
الاخلاق والارزاق من عند خلاق = قسمة عدل كل على ما يلاقي
المشكله لاالتفت الساق بالساق= والروح بالحلقوم فوق التراقي
والناس من حوله يقولون من راق= والموت حق ولا من الحق راقي
الكل يفنى ما على الارض من باق=والواحد الفرد الصمد حي باقي
تسجد له جباه وتخضع له اعناق = طوعاً وكرهاً رهبة واشتياقي
هذي حقيقه واكثر الناس مافاق= لو نذكر اصناف العرب وش نلاقي
صنف يعدون الكباري والانفاق= ومن الفراغ ايعارضون الطراقي
لا صحصحوا طافوا على كل الاسواق= تفكيرهم محدود مامن مراقي
يوم على ركبه ويوم على ساق= ويوم تجماع ويوم فراقي
وصنف مساكين يسمون عشاق= حزن وسهر والحب مر المذاقي
غيره وهم وحزن وعتاب واشواق= فعلاً حياة اهل الهوى ماتطاقي
وحب لغير الله عنا فكر وارهاق= شرك المحبه مثل شرك النفاقي
وصنف ورى ماتشتهي النفس تنساق= بهايم انعام عليها طواقي
متسدحين عند شاشات الاطباق= حتى يضنون إن بعضهم معاقي
سجلت مما كنت اكنه بالاعماق= وارسلت لمحمد كلامي وباقي
اقوله بالصبر حلق بالافاق= وربك يوسع صدر عبده لضاقي
لاصرت لاسارق ولاانته ببواق= فلا تحسب وش ذهب ويش باقي
ينشي السحاب اللي براعد وبراق= ربك ورزق الله وسيع النطاقي
اصبر وناظركيف تخضرالاوراق= ويدرج قراح الماء مع كل ساقي
-
مناحي بن معدي المسردي
-
[/poet:4120313d72]
رد: قصيده لمناحي بن معدي رداً على قصيدة محمد الواهبي
[align=center:cd2dfff527]ابو راكان
كل عام وانت بخير
وصح لسانك على هذه الرائعه التى لاتستغرب
من شاعر رائع وله باعه الطويل فى مجال الشعر
مثلك
فسجل احترامى وتقديرى لك ولماقاله لسانك وكتبته يداك
تحياتي[/align:cd2dfff527]