قصيده جديده لابن جدلان
[poet font="Arial,5,white,normal,normal" bkcolor="transparent" bkimage="backgrounds/15.gif" border="double,4,gray" type=2 line=200% align=center use=ex length=0 char="" num="0,black" filter="":f0046163ae]
لا إلـه إلا القديـر المعطـي الوهـابـي =الخضـوع لسلطنتـه وكبريـاه ونـوفـه
كل ما تحته على وجه التراب .. ترابـي =المعـزه والمذلـه مـن رجـاه وخوفـه
تب علي وأنت الـودود الغافـر التوابـي =وأحمني من كل زلـه منطـقٍ مزهوفـه
في السوالف والقصايـد سلبـي وإيجابـي =وفي ردود أفعالهـا محمـوده ومأسوفـه
والطبايـع فـي الأوادم للحيـاة أغرابـي =والتصادم في مفاهيـم العـرب مسلوفـه
في طرفها المـرء لا يسعـد ولا يرتابـي =والمنافـع والضررعفـويـه ومهـدوفـه
يعني ما تحكم على الصادق من الكذابـي =من عدم صدق النوى والغايـة المكشوفـة
أحداً ما يدخـل الحسبـان بـأي حسابـي =وأحدٍ يؤخـذ كلامـه وصفـةٍ موصوفـه
والسهوله للنفوس أقـرب مـن الصعّابـي =والطبيعية مداهـا أبعـد مـن المزيوفـه
طارق أبواب العرب تفتح عليـه أبوابـي =من فتح باب الضيافة يكثـرون ضيوفـه
وفالنفوس اللي لا تشبع بي ولا تروا بـي =ليل هقواتي طويـل وشمسهـا مكسوفـه
كل ما ضنيت ضنـاً فـي كنفهـا غابـي =عندها أوهامي ضحاياها ضحايـا الكوفـه
أحسن أجيها زهابي في ظهـور اركابـي =لا تكلفني وهـي عنّـي ماهـي مكلوفـه
لأجل ما يسبب قلق فكري وحرق أعصابي =وإنشغالي من قوييـن الدهـر وضعوفـه
والوفاء والصـدق للصدّيـق والخطابـي =والظفر لإبـن الوليـد بعزوتـه وسيوفـه
والجناب اللي وداده جهـر ماهـو غابـي =تصلح ضروف الدهر والا تشين ضروفه
من وجودي يسفهّل .. وينشغـل بغيابـي =كل منّا غايتـه مـع صاحبـه معروفـه
فيه بسطـي الأحمديـه إمتـداد إرحابـي =والطموح الماجـدي والفطـرة المألوفـه
الإنبسـاط والإنسجـام وقمّـة الإعجابـي =والله أن كنّـه يقدمهـا علـي بكفـوفـه
تكثر أصحابي علي والا تقـل أصحابـي =المهـم إن مانـي بمرتـاح ليـن أشوفـه
-
سعد بن جدلان الأكلبي
-
[/poet:f0046163ae]
|
العرض العادي
