لفحـة الهـــاجـوس
[align=center:67dcdc14b2]قصيده متواضعه اتمنى ان تحوز على رضاكم
@@@[/align:67dcdc14b2]
[poet font="Arial,5,black,normal,normal" bkcolor="transparent" bkimage="backgrounds/17.gif" border="double,4,gray" type=2 line=200% align=center use=ex length=0 char="" num="0,black" filter="":67dcdc14b2]
(( لفحة الهاجوس ))
-
يالفحة الهاجــوس حيـاك حيـاك =ماغير أنا في الاستراحه لحــالي
ماتدري اني ســاهر واتحــراك =يحـرم علي النـوم قـد لي ليـــالي
أقلـط بصدر اللي من الهم ناداك=صـدر من البسمات والضحك خالي
ياخـذ بي التفكير لاحـل طـرياك =تبــدد همـومي ويــرتـاح بـــالي
أرسل نسيم الليــل يمك ولاجاك=وأنتـه تحسب أني من الهم خـالي
أفرح بمسيارك وأرحب بلامـاك =وأكوسر شماغي وأميل عقــالي
وأجلس معك جلسه بتفكير وادراك=وأسبك بيوت صوغها من خيالي
وأدك بك في الخاطر هناك وهناك=وادخلك سوق فيه من كل غالي
وأفتح مع الاضـلاع للصـدر شباك=واظهر من كنــوز الهموم الثـقالي
واللي ورى الاضلاع ماهو بيخفاك=نار لها مع سترة الجــاش صــالي
ياهـاجسي لــولاك لــولاك لــولاك =ياوهبـة الخــلاق يابري حــالي
يمكن أموت من القهر بين الابـواك=قتيل هم وسبحتي في شـــمالي
-
ابن حبشان
-
[/poet:67dcdc14b2]
|
العرض العادي
