يمكن بساط الريح لعيونك انقاد...قصيده
[poet font="Arial,5,darkblue,normal,normal" bkcolor="transparent" bkimage="backgrounds/14.gif" border="double,4,darkblue" type=2 line=200% align=center use=ex length=0 char="" num="0,black" filter="":4aebcc4623]
البارحه ليلي على غيـر مااعتـاد=الله يذكـر ليلـة الأنـس بالخيـر
كنتي معي جيتي على غير ميعـاد=وفرحت كني لي جناحيـن باآطيـر
وشلون جيتي جيتي من أيـة ابـلاد=هالمسأله تحتـاج بعـض التفاكيـر
يمكن بساط الريـح لعيونـك انقـاد=ويمكن معك مارد على أمرك يسير
ناظرت شفتك في جماعات وافـراد=وطلعت اغني للشجـر والعصافيـر
عيني بعينك واصبح الجرح يـزداد=يامرحبا جتنـي رماحـك مساييـر
بمقابلك وموادعـك دمعـي ابـداد=وانتي قبالك غير وموادعـك غيـر
لاتبدليـن الوصـل يابنـت بإبعـاد=اللي يشيل المسـك ماينفـخ الكيـر
متى آتعلم وافهم الـدرس يااستـاد=عطني دروس بطرد بيض الغنادير
ماتذكـر انـك ماتهنيـت بـرقـاد=واخذت في طرد العذارى مشاويـر
ياما أخذت مـن النصايـح ولافـاد=لين أصبحت بيض العوارض مغاتير
واليوم لاقفى مـن العمـر ماعـاد=العمـر يمشـي والمنايـا مقاديـر
وانا حفظت العيش والملح والـزاد=وش عاد لو راحت سنيني مخاسير
شوفي جفا الأجداد بعيون الأحفـاد=والحلم غالـي والليالـي معاسيـر
وعن الجماعه مايسـدون الأفـراد=لو إن ارداهم مثـل سالـم الزيـر
اللي مشى للثـار برجـال وجيـاد=شامخ ولو صكت عليـه الدواويـر
واللي يجنب عن مواجيب الأجـواد=ماعاد له حـب وكرامـه وتقديـر
وانا نطحت عناد الأحـزاب بعنـاد=واليوم صرت أسمع كثير الأشاوير
دام الأمانـي قيـد والوقـت جـلاد=ماعـاد أدور للسعـاده معـاذيـر
ياآنسه مانـي عـن البيـر نشـاد=وعندي رجا لاتنشديني عن البيـر
شوفي كبرنا وكبرت معنا الأحقـاد=يسعد صباح المقلمـه والطباشيـر
ويسعد صباحك كل مازدتي ابعـاد=يسعد مساك ويسعد الله مسا الزيـر
-
الشاعر عبدالله فارس
-
[/poet:4aebcc4623]
|
العرض العادي
