جديد لعابر ســــبيل
[poet font="Arial,5,black,normal,normal" bkcolor="transparent" bkimage="backgrounds/7.gif" border="groove,5,gray" type=0 line=200% align=center use=ex length=0 char="" num="0,black" filter="":df873962df]
مرت بي الذكرى وانا خاطري شين = ذكرى زمان ٍ فات عنا وولا
وهلت على خدي دموع ٍ من العين = كني غريب عن دياره مجلا
وناديت باعلى الصوت وين المحبين = اللي معاهم عيد كان يتسلا
اللي لهم بالقلب زرع وبساتين = ولهم معاليق الضماير محلا
واخص انا يابوحمد كامل الزين = اللي اليامن جيت رحب وهلا
ترحيبة اللي شايف له عزيزين = راعى اشقر ٍ من فوق متنه تدلا
والصدر كنه ينتج الخوخ والتين = والخد براق ٍ بنوره تجلا
والعين فيها من عيون الشياهين = والمبسم اللي فيه ريق محلا
واللبه اللي كن فيها رياحين = من شمها يبطي وهو مسفهلا
مامثلها بالهند والسند الصين = والمانيا وماليزا وفنزولا
ذكراي هذي عام خمسه وتسعين= معا غزال ٍ بالجمال يتحلا
واليوم انا ويني وهو ياعرب وين =ضاعت عناوينه ولاني بدلا
-
عابر سبيل
[/poet:df873962df]
|
العرض العادي
