ياليل خبّرني وانا انشدك ياليل=ويا ثالث الخلان عد الشهاده
كم ليلةٍ ياليل بيّن لنا سهيل=ويا ما طلبنا فوق طولك زياده
ويا ماقصر طولك بحلو التعاليل=ويا ما شهد تاليك لحظة سعاده
وياطول ما غنّيت لك من مواويل=وياما تحت سترك هجرنا الوساده
وياما بسوادك شفت نور القناديل=شعشع سناها من محل القلاده
وياما ببردك ضمني نافل الجيل=وياما علي بالصيف نسنس براده
كنا ثلاثه ما عرفنا الغرابيل=خلّي وانا والليل ما احلى سواده
واليوم تعّبنا السهر والمراسيل=والكل منا مجتهد في وداده