السلام عليكم...
زمان كنت دائما احرص على تغيير زيت سيارتي كل 2000كيلو. لان كل ما جيت أغير الزيت قال لي العامل يا ساااااتر ليش تترك الزيت 2000كيلو لازم تغيره!! وانا مصدق وعلى نياتي ويا غافل لك الله اغيره:سن.
وانا بحكم اني ساكن بالرياض ولا يخفى عليكم الرياض ومشاوريها فكنت امشي2000 كيلو باسبوعين او ثلاثة(هذي ايام المراهقة) وكنت شغال تغيير زيت والسبة ابو يمن(والله من النصب) المهم ماعلينا هو حيروح من ربنا فين!!
المهم كنت جالس مع قريب لي يعمل مهندي بصندوق التنمية الصناعي يقول قريبي: كنت باجتماع مع موظف اجنبي بشركة الزيوت(شل) المهم يقول الاجنبي(اعتقد انه اوروبي اوامريكي) نسيت وش قال المهم...
يقول الاجنبي: ليش انتم يا السعوديين والخليجيين عامة تغيرون زيوتكم بالشكل هذا؟! من قال ان الزيت يفقد لزوجته وجودته بعد 2000كيلو!!!
قال له قريبي: يعني كم المسافة اللي ممكن امشيها ثم أغير الزيت؟؟؟
قال الموظف: اقل اقل شي 5000 آلاف حسب قدم السيارة وحداثتها ولا تغيره الا بعد ما تشوف الزيت وتلمسه بيدك وتتأكد من لزوجته وهل كان اسود بدرجة تحتاج لتغييره.
ويا عم سبني اعيط يقول:
فعلا بعدها صرت اغير الزيت كل 4000 الى 5000 كيلو وما عندي اي مشكلة ابد والسيارة ماشية تماااااام بس حرصت اني اسحب عيار الزيت واشوف لون ومدى لزوجة الزيت.
وحسبي الله على الاجانب لاعبين علينا ومسويين فاهمين وهم من جنبها...
انا من كثر ما خربت السيارة معي عرفت اصلح فيها :lol:
على العموم انا مثلك كنت كل 3000 او 2000 اغيره
لكن اكتشفت شي شل سوبر او اي نوع زيت 20دبليو50 هو الممتاز ولاغلب السيارات اما الجمس او الكابرس عادي النوع اللي ذكرته لكن احسن شي شل الأبيض او اي نوع رقمه 10دبليو 30 (نفس زيت الوكالة) لو كان العلبة بـ10 ما يخالف تغيره 5500 او 6000 وانتبه كل 4 او 5 مرات تغير فيها الزيت لازم تغير الفلتر(السيفون)
على العموم انا قال لي فلبيني في التوكيلات ان الزيت اذا مشى 3000 كيلو تقريبا ينظف البستم محرك السلندر واذا عند اي استفسار اسألني :شوشة:
بالنسبة للزيت اذا كنت تسافر فيه دايم وخصوصا في فصل الصيف الأفضل تغيره 3500 تقريبا لأن زيت الماكينة تقل لزوجته مع كثرة الاحتكاك
لكن اذا كنت داخل المدينة تغيره تقريبا كل 5000 كيلو
الأخ ناصر انا كنت مع كونان لما صلح السيارة في التوكيلات في ابها قالوا لما تغير الزيت فان فيه مواد مترسبة موجودة في السلندر فاذا غيرت الزيت ومشت السيارة 3000 تقريبا قامت بتنظيف الترسبات السابقة وهذا ماقيل لنا من احد الفنيين
والمسؤل عن تنضيف السلندر هو شمبر القشّاط اي الشمبر السفلي على البستم والشمبر العلوي يسمى شمبر نار وهو الذي يمنع دخول النار والعادم من السلندر الى الكارتير
والزيت يمر من الكارتير عبر المضخه الى الفلتر (السيفون) الى رأس الماكينه واذا اتسخ الزيت تقل قدرته على المرور من الفلتر الى النصف مما يسبب تآكل عمود الكامات والعصافير والتكايات والجنزير وهذه تسمى مجموعة الضغط وهي حساسه للحراره والتآكل
المهم لا اريد الاطاله ولكن للفائده فهذا تخصصي في الهندسه الميكانيكيه وكنت صاحب ورشه لعدة سنوات واحفظ الماكينه مثل حفظي اصابع يدي