قالها صديق لا يريد ذكر اسمه هنا ولا ادرى لماذا يمكن عشان
محد يبى يحسده على البى ام الجديده على كل تفضلوا القصيده
[poet font="Arial,5,black,normal,normal" bkcolor="transparent" bkimage="" border="double,4,black" type=2 line=200% align=center use=ex length=0 char="" num="0,black" filter="":6737f62785]
قم يانديبي على B M مضمونه =بيديك توّك من المصنع مطلعها
كنّك مطلّع من افخم عرس مزيونه =بعطور باريس يضحك عطر برقعها
اكفخ بها كفخة الهارب من سجونه =عقوبته بالقصاص الشيخ وقعّها
جاه الخبر بالطريق وزادت جنونه =زقايره ذي ورى هذي يولعّها
لو بالملفات يمشي كل طبلونه =رجله حلف مايحرّكها ويرفعها
لاجيت بديار خلّي داعج عيونه =خذ وصفها يانديبي لا تضيعّها
من خدّها كهرب الديره يطفّونه = والليل في ليلها نام وسكن معها
لو ريحة انسامها (قزّاز ) يشرونه =يسوى الملايين برقعها ومِسفعها
ومن ردفها ,,, السّاق كان الله في عونه =اليا اسرعت في خطاها الرّدف يهزعها
بلّغ سلامي وقلّه ويش طاعونه =حتى الرّسايل من الجّوال قاطعها
ون كان قال الشريحه غير مشحونه =مانيب اوصّيك تشريها وانا ادفعها
[/poet:6737f62785]