اخواني الإعزاء
مناسبة هذه القصيده هي مشاركة في مسابقة
تحت اسم ( دعوة للإبداع ) في أحد المنتديات
في 9 / رمضان / 1423هـ وهي عبارة عن بيت من الشعر
يتم طرحه ويبني عليه الشعراء قصائدهم على نفس الوزن والقافيه
بشرط أن لا تتعدى القصيده ثمانية أبيات وتتضمن البيت المطروح
حطيتني درسٍ عن العشق للنـاس=لا حب واحد قالوا الناس شـف ذاك
أتمنى أن تحوز على رضاكم
حطيتني درسٍ عن العشق للنـاس=لا حب واحد قالوا الناس شـف ذاك
من شافني بيقول لا باس لا بـاس=كبـوة جـوادٍ ياعساهـا تـعـداك
واللي مشى ذا الدرب لا بد ينـداس=قبلك كثير وفيه من يتبـع اخطـاك
لياك تندم لا يجـي قلبـك اليـاس=ولا لك الا الصبر وان جاك ما جاك
وش ينفعك لا وقع الفاس في الراس=هذا الزمان وحكـم دورات الأفـلاك
وآقول انا دام ان لي قلب واحساس=فأنت الوحيد بدنيتي ما أقدر انساك
ومهما تعرضت الخساير والإفـلاس=أنا اعتبر ربحي بشوفـك ولقيـاك
والحبر دمي واصبح القلب قرطاس=مكتوب فيه " انه يحبك ويهـواك "
وتقبلوا تحياتي،،،
.
.
درس العشق
العرض العادي
