يابنت القمر ونجومه أقرب من القرقاح
غلطانه عــسى الله يرحم غلطانه
ترى ماني بطير يحول على الملواح
وقلبي درى ويش اتصالك على شانه
اصخاف القلوب جروحهـا مالها جراح
ولولا نبضهـا وإحساسها مالها خانه
أنا أحرص من القناص أصبر من الفلاح
وشبعـانة بالغبن كبـدي ورويانـــه
علي والله انك مثل نوره ومثل أفراح
جعلك فدوة إلي لاعطى العهـد ماخانـه
عرفت الهوى الله لايعوده ورحت وراح
مراح القطا اللي نشر اطراف جنحـانه
ودونه قفلت القلب بالقفل والمفتاح
رميته بحر من خوفة الله سبــحانـــــــه
أبي راس مالي عقب ما أفلست من الأرباح
ومحاجر عيوني بأزرق الدمع غرقانه
وعين تكحلهـا عييدان الندم ترتاح
لوتظهر عليها نجمة الصبح سهرانـــه
حسافه على المسرح وحسره على المسراح
ووجودي وجود اللي فقد خيرة إخوانه
ياليت الزمن طير يحول على الملواح
برده ولاادري ويش ارده على شـــانــــه
قصيدة للشاعر : فلاح القرقاح
العرض العادي
