الاتي وصلني بالايميل وحبيت انكم تضحكون معي شوي
ــــــــــــــــــــــــــــــــــــــــــــــــــ ـــــــــــــــــ
يا بنت انا وين وانتى وين
الفارق ماهوب بالراتب
الفرق يا بنت بالتعيين
انتى طبيبه وانا كاتب
ــــــــــــــــــــــــــــــــــــــــــــــــــ ـــــــــــــــــ
يهتز قلبي كل ما مر طاريك
كني شباك الهلال وانت ماجد
ــــــــــــــــــــــــــــــــــــــــــــــــــ ـــــــــــــــــ
لي صاحبِِ لا شفت وجهه توحشت
وجه كريه وحاويِِ كل شيني
له برطمِِ لامن ضحك كنّه الطشت
والخد من شينه كما جدار طيني
ــــــــــــــــــــــــــــــــــــــــــــــــــ ــــــــــــــــ
يابنت ماعندي ترا فلوس واعطيك
انا فقير ومكسبي فـذ تمرا
سيارتي قشرا ولا تمسك بريـك
كـم مرةٍٍ طفت الأشـارات حمرا
وأن كـان غرك كشختي وآكـلي الكيك
وضـع الذرابـه لازم تكـون بـرا
ــــــــــــــــــــــــــــــــــــــــــــــــــ ـــــــــــــــــ
أنـاحسين وعزوتي أهل بنجلاديش
الرجال اللي تحتميهم.. حسينة
لياتجمعنا تجمعنا لقمةالعيش
وأن جاء نهار الكون رحنا عجينة
ــــــــــــــــــــــــــــــــــــــــــــــــــ ــــــــــــــــــ
انا الذي دشّي يجيب المحطات
وفّرت خمس شهور لين اشتريته
دشٍ مهو دش الربع في عربسات
يجيب لك كوكب زحل لو بغيته
ويجيب لك ناسٍ مجاميع وإشتات
ويلهيك عن بعض الغثا ا ن نخيته
يروح ريموته بعيد المسافات
واليا غمزته طال ليلن سريته
ــــــــــــــــــــــــــــــــــــــــــــــــــ ـــــــــــــــــــ
ياما نهيت النفس يانفس توبــي
ترىالهوى يقضي على القلب والروح
من حبكم صــرت اتروش بثوبـــي
وأطلع من الحمام والدش مفتوح
ــــــــــــــــــــــــــــــــــــــــــــــــــ ــــــــــــــــــ
أثر المحبه تخلف أعقول وقلوب
وتلخبط الرجال لو كان راسي
من حبكم صرت البس الثوب مقلوب
ودور الغتره وهي فوق راسي
ــــــــــــــــــــــــــــــــــــــــــــــــــ ـــــــــــــــــ
يامرحبا ترحيبه تسبق الفار
لصـار فـي دربه ثلاثين بسـه
ــــــــــــــــــــــــــــــــــــــــــــــــــ ــــــــــــــــ
بني هنود:
حنا بني هنود لا صار جنجال
---- نارد حياض الموت مافيه مشكل
واحد نفر يكفي عن الفين رجال
--- متسلحٍ وزره وراسين فلفل
ــــــــــــــــــــــــــــــــــــــــــــــــــ ــــــــــــــــ
بعض المشاكل تبين طيب راعيها // اماضرب حيل والا حط رجلينه
كلمات الشاعر منحاش السبوق
ــــــــــــــــــــــــــــــــــــــــــــــــــ ـــــــــــــــــ
اضحك مع هذه الابيات.......
العرض العادي
