حدتني الدنيا على زيد وعبيد = والحظ الأقشر طايح(ن) مابعد قام
لامن نصيت عبيد يرسلني لزيد = وزيد(ن) يواعدني مواعيد وأوهام
وأبطيت في ذا الحال من غير تجديد = أطرد ورى الأوهام لي عدة أعوام
وغيري تهنا النوم ماله مواعيد = مطلوبه ينفذ على طول بإحكام
هذاك راعي الواسطة جامع الصيد = صيده حقوق الناس توخذ بالألزام
وكم واحد(ن)سجل يبي رقم تجنيد = قالو له إن الطول ناقص ماهو تام
واللي توسط ناجح(ن) بأول السيد = وغيره ورى بالسيد صاقط ومنضام
وغيرها حالات زادت وبتزيد = لازم نشوف الحل يكتب بالأقلام
وياللي رضيت الواسطة مابها فيد = منها حقوق الناس تهضم وتنضام
مصالح(ن) ضاعت ولا فاد ترديد = الواسطة ظلم ولاهي بالأسلام
الوضع يبغاله رقابه وتشديد = عشان تمشي القافله دوم قدام
ولو نتفق نبني عمارات في البيد = ونشيد أبراج(ن) تزين بالأعلام
ترى التطور يبغي رجال(ن)تفيد = مايبغي اللي لا دخل شغله ينام
والواسطه ياناس تحتاج تحديد = ونحكم عليها حكم صارم بالأعدام
الشاعر/فايز بن سالم ابو زوير
( الواسطـــــــــــــــــــة) فايز المسردي
العرض العادي
