بسم الله الرحمن الرحيم
اسعد الله ايامكم بكل خير و سعااااده يالقرررروووم
قصيده و عنوانها في ابياتها
للشاعر المتألق
شجاع بن عبدالله السنحاني
يا عين وش قد به و يا الله مسا خير = يا دمعتن بين المحاجر سبوقه
لا فاقدن غالي و لا طار لي طير = ولا حسدت المغتبق في غبوقه
فـ إن كانها دمعة حزن دون تبرير = وش ذنب قلبن زايداتن فتوقه
لو الجروح اللي معي جنبي اتسير ؟ = عدّا عددها جمع ( برقا و روقه )
و إن كان به شخصن إيحسب المخاسير = خلوه ياتيني و يقرب بموقه
ولا يهون .... إيجيب بيده مناظير = و إيدقق ابعين الطبيب الصدوقه
يلقا ( بقايا قلب ) نبضاته اتحير = ينزف وجع و اموثقن في عروقه
و لو تسكن ابقلبي جموع العصافير = ما عاد تلقا عرق ترتاح فوقه
يا زينها طعنه ابوسط الصدر ... مير = يا شين طعنن خلف ظهرك يحوقه
دنيا ً علي تخطي ولا القا معاذير = و كم ناس تضحك لي ولا هي صدوقه
يا دمعتي ؟ كنت احسبش دون تبرير = و اثرش من اقصى القلب و آقوى شقوقه
لكن على الله ... جعل في ذا المسا خير = يا دمعتن بين المحاجر سبوقه
وتقبلوا اعطر التحايا
اخوكم
تركي ال فرحان الجعادنه
يا دمعتن بين المحاجر سبوقه --شجاع السنحاني
العرض العادي
