][السلام عليكم ورحمة الله وبركاته
هذه القصيدة للشاعر_محمد بن عبداللة بشير في ماجد بن عبد الهادي ال ختلة بعد اعتاق رقبتة
احمدك يامن تعلم السر والغيب= مرسل رسول الحق بالدين مله
بعده سلام لمنبع الجود والطيب= للحر الاشقر كاسب المدح كله
ماجدولد هادي عطيب المضاريب= لا مال ليل وصار بالوضع خله
مواقفه تشرق بها الشمس وتغيب=وهقواته قروم النجوم المطله
ابطيت ترجم واقع الفعل ويجيب=الحمل لاعدوا زحوله يشله
روابعه من كل دسم مخاظيب=وكفه سوات البنه المستهله
وبه من حميا الزير في قصة كليب=من دون قحطان العرب عادة له
من حدته دنياه لين التلابيب=ينصى ابو هادي دواء كل عله
يوم اعتزى والجوف جمر ولواهيب=الصعب ماهزه نطح روس الاهله
رحب وهلا به وساق التراحيب= ترحيب شيخ مجلسه ماتمله
حطم صعيب الكايد مجري الهيب= قدر وشربه مثل فنحال دله
في ظرف يومين انتخاله مناديب=وصار النجاح وسجله في سجله
رتب لهارمز الفخر كل ترتيب=وانهى الوضع والحمد والشكر لله
لو عشت مهما عشت واعيش واشيب =مديون له ياويش بلقى جزله
بقولها لك يابو هادي ولانيب= ملا وقف من دون قوله وفله
جعلي انا وعبدالله وزودنا ذيب=فدوه لماجد ال ختله فدا له
ولكم تحياتي]
هذة القصيدة للشاعر_محمد بن عبداللة بشير في الشيخ _ماجد بن عبدالهادي ال ختلة
العرض العادي
