السلام عليكم ورحمة الله وبركاته
أهدي لكم هذه القصيده مرثية
فالشيخ/فالح بن محمد بن الشقحاء المسردي(نائب قبيلة الربابضه من المسارده)
رحمة الله وأسكنه فسيح جناته
للاستماع القصيده بشيلة : لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 .
للقراءةالقصيده:
أمس العصر جاني خبر يامشاكيل=في شهر ذا القعده بعام الثلاثين
من سبته زادت علي الغرابيل=وبكيت من قلبي ولا جفت العين
وسرًيت فكري بالحزن والبهاذيل=وامن القلق وامن العناء خاطري شين
من بعد ما روح زعيم الحلاحيل=ما عاد لدنيا طعم يا ميامين
مرحوم ياللي وقفته تعدل الميل=مقدامنا لروح العلم علمين
زيزوم ربعه كان جت للمعاديل=يأقف لهم لويقضي الدين بالدين
من عادته ما يسمع القال والقيل=وصيته شهر بين الملاء ايسار ويمين
واسمه كلا الاسماء وهو حاتم الجيل=ذا فالح الشقحاء صعوط المجانين
الله من طرقي وصل تالي الليل=ونصاه ورحبه وقال اله ياهلين
وقلطه في مجلس به البن والهيل=وسوى عشاء ضيفه وحياء ملايين
امجمله فعله مابين الرياجيل=ونايب هل الطالات فالعسر واللين
ربابضه ربعه سيوفً مصاقيل=وأهل الوفاء وأهل الفعل بالبراهين
لا قيل يا ال حمود تأرد على النيل=من صلب مسرد والقبيله قحاطين
من عادها بالهوش ومصامخ الخيل=خيالنا ينطح من الخيل تسعين
واليوم فرقاء الشيخ ماهو تساهيل=الا فقيده ياعسى ربي ايعين
تفقده ربعه كل ما زوود الكيل=ومفقود والله عن صفوف المصلين
ومفقود عن مجلسه وايا المعاميل=ومفقود لا قالوا طريق القدا وين
لكن عوضنا فالليال المقابيل=فعياله احزامي وسقم المعادين
رسام ومحمد وذباحة الحيل=سلطان مع خالد دهاتن دنادين
ويالله يامنزل لنا الذكر تنزيل=يامدبراً سحب السماء والبراكين
يالله تسقي قبره اليوم بالسيل=وتنبت به خزامى ونفل ورياحين
ويارب فالفردوس تجعل له امقيل=وتغفر ذنوبه يالاهي من الحين
وتنجيه ياربي من النار والويل=طالبك تقبل دعوتي قولوا امين
ونعم ابو محمد عرفته عن قرب سنين طويله من الرجال الذين لاتغيرهم الأيام قريب من الخير دايما والعلم الغانم
مآثره الطيبة كثيرة قد تخونني الذاكرة بشئ منها لكن لا يحتاج منا الان الا الدعاء له ,, اسأل الله ان يجعل قبره روضة من رياض الجنه ,,,
ومشكور يافالح قصيدة وافية من رجال وافي والعوض فيكم جميع وسبعة انعام عسى الله لا يورينا فيكم مكروه ولا في اخواننا المسلمين انه سميع مجيب الدعاء ,,,