من يعطي الراي للي ما طلب رايه=مثل اللي يعارض القوم ويباريها
وأنا سريت ونجوم الليل سرّايه=بيض النوايا تسريني وأسريها
رجلي تدل الطريق وعيني مرايه=وأشوف الأثار باقية مواريها
اللي عليها ذواري الوقت ذرّايه=وأخاف الأيام تطمسها ذواريها
عندي قناعه وعندي علم وإداريه=غير أكثر الناس عني ويش يدريها
الناس في سوق بياعه وشرّايه=وين أنت يا بايع الدنيا وشاريها
يطري علي طاري ما لي بطرّايه=لو كان نفسي كثيرات طواريها
لا شك أنا بكتب وكل له قرايه=رسالة بين كاتبها وقاريها
وأن عوّدت لأتهام الذات وإبرايه=سجّيت الأقدام في واسع براريها
ما عاد لي عذر لو يجري لي جرايه=حتى تعود المياه إلى مجاريها
أما على أثار الأطلال ارفع الرايه=والا أم سالم علي تنثر عباريها
عبدالله المشعلي
رسالة بين كاتبها وقاريها
العرض العادي
