قصيده للشاعر جمل بن محمد بن محبوب
اسري مع الذيب لامنه غفا الغافـــي =يوم ان خطوي الولد في الليل ما يســري
وأمشي على شف بالي وأظمن أهدافي =ومن مد لي شبر دونه ما نقص شــبري
وليا هجرني المنـام اوميت بلحافــي =وأسرح مع الطير لامنه سرح بـــدري
وأضحك وأجامل ولو يلحقني خلافـي = وأجحد على شان بعض الناس لاتــدري
وإن كان جار الزمن وأصبح على جافي =لو ينقضي صبر غيري ما أنقضى صبري
ومهما تصير الليالي سود وأعجافــي=أبقى على طيبتي والمرجله ذخـــري
وليا تعـكر عليه جوي الصافــــي =وضاقت على الوسيعه وانكتم صــدري
أسج رجلي واعدي كل مشرافــــي =ولا عاد أفكر بميلادي ولا هـــجري
وأجر صوتي وأغني وابدع القافـــي =وأصوغ الأبيات من فكري ومن شعري
ومادمت طيب على الدنيا ومتعافـــي =أبحمــد الله في عسـري وفي يسـري
وعساني لوالديني بالوصل وافــــي =وأقوم بحقوقهم بالســر والجـهـري
وأخفض جناحي لهم وأصير خوافــي=وأصبر على جورهم وأفديهم بعمـري
والله لو إني أمشي لأجلهم حافـــــي =مالي فضل لو أحججهم على ظهري
يارب تكفيهم مـن النـار ياكافــــي =وتكتب لهم جنتك في ساعة الحشري
ويــاالله يامــنزل طه والاحقافــي =ترحمني برحمتك لا جيت في قبري
واختام الأبيات يالله سترك الضافـــي =يارب انا طالبك لا ينكشف سـتري
اسري مع الذيب
العرض العادي
