بسم الله الرحمن الرحيم
السلام عليكم ورحمة الله وبركاته
اقدم اعتذاري عن الغياب نظراً لظروف العمل وهذه القصيدة مما قلت بالامسية واتمنى ان تحوز على رضا الجميع .....
ودي اغني باجمل الصوت موال
واعانق بحظي اكبار الاماني
وبنات فكري بين حلً وترحال
والوقت قدامي بقاله ثواني
فيارب تهديني على خير لقوال
واجعل جزيل الهرج منطق لساني
في موقفً ماثبت اشماغي اعقال
موقف فخر بالعز جاء واحتواني
وانا وقفت ابموقف اعيال الابطال
موقف بني عمي وهذا مكاني
تركة اشيوخً ورثوها للاجيال
عوق الخصيم امذبحين السماني
وحنا ورثنا الطيب شيبان وعيال
ونبني على العليا اكبار المباني
اصغيرنا بالطيب بركله اجمال
وكبيرنا كنه سهيل اليماني
واليا هرجنا هرجنا سيف قتال
وحده رهيف ابغاليات المعاني
ويستاهلون المدح في كل الاحوال
غصبن على الحساد قاصي وداني
ومدح الرجال اهل الوفاء يشرح البال
ان كان من الاجناب ولا اقحطاني