هذه القصيدة لو الدي عايض بن بطي بن حيدان
موجهة لـ ( محمد بن عبدالله آل حنشل المسردي)
ومناشدة إعتاق ( محمد بن عبدالله بن بشير ) ...
ســلام يــا قــرم ينـومـس مـقـامـه=قرم رفـع فـي عالـي المجـد مبنـاه
قـرم وفعـل الطيـب عـلـق وسـامـه=يستاهل الناموس من طاب مجنـاه
مـن لابـة تثـنـي خــلاف الجهـامـه=آلاد حنـشـل طيبـهـم مـــا نسـيـنـاه
الطيـب يـوم إنـكـم بنيـتـوا خيـامـه=طيب الشـرف والعـز والكـل ينعـاه
الله مـقـدر مـــا جـــرى والـنـدامـه=على إبن عمك وانت أعلم بما جاه
زلــة قــدم وإبلـيـس نـفـذ مـرامــه=والا القـدر محـد يـــرده إلـيـا جــاه
ومحـمـد المنـعـور فـعـل الشهـامـه=أجره على الله في نهــار المناجـاه
الطيب يا إبن عجيـم ذروة سنامـه=فـي كفـك اليمـنـى رفـيـع شهـدنـاه
العفو يا إبـن عجيـم أجـر وكرامـه=في موقـفٍ الخلـق عريـان وحفـاه
يقولـهـا الـلـي مــا تهـنـى مـنـامـه=أنــا ومـثـلـي مـرقــده مــــا تـهـنـاه
لاشـاف بيـن الربـع ربـط العمامـه=فـلا يحـل المشكـلـة غـيــر شــرواه
الـقـرم يطـمـر عـثـرةََ وإنحـطـامـه=ويصبر على ما قدر الله ومـا جـاه
عايض بن بطي بن حيدان
قصيدة موجهة لـ( محمد بن عبدالله آل حنشل )
العرض العادي
