هلا يا مرحبا بك وانت لا رجلي ولا خيال = توقع لا تجي اللفات يادنيا من انتي له
تحدى الاغنيا وانته ماعندك غير نصف ريال =ترى في الملعبه صكات يادنيا من انتي له
توقف عن خويك تحسب انك في ذرى وضلال = هنا ما تنفع الفزعات يادنيا من انتي له
انا قد التحدي واتحدى والوعد لا زال = ما والله تقصر الهقوات يادنيا من انتي له
ابا اوديك في دار بعيده ما يجيك ارسال =الين اتابع الونات يادنيا من انتي له
كثير من القنوات الفضائية عليه اقبال = لكن اسمك ماجاء في الشات يادنيا من انتي له
تقوله يا مناحي وانت لا بيجر ولا جوال = سوالفك محقا وشتات يا دنيا من انتي له
تعيني مع اهل الطيب لي مخرج ولي مدخال = انا ما اتابع الشاشات يا دنيا من انتي له
انا ويا زميلي نعرف الشيله من الموال =حن اهل النظم والقلطات يا دنيا من انتي له
يا بو عبدالعزيز انته تماشيلك رجال اعمال =رجال تقنص الفرصات يا دنيا من انتي له
انا كنت احسب انكم كل ما جار الزمان ثقال = واثركم ود واخذ وهات يادنيا من انتي له
تبون اكبر مناصب والفرح في عيد الاستقلال = ولكن يالربع هيهات يادنيا من انتي له
ترى حنا على كبد العدا والمعتدين جبال = نحرم الزيدي امن القات يا دنيا من انتي له
ياليتك تشتري لك تكس وتَاجر مع العمال = من المينا ليا المصفات يا دنيا من انتي له
تقولونه بعد حرج على سلعتكم الدللال = هنا للعجل رادارات يا دنيا من انتي له
انا عندي نصيحه والنصيحه من غلا وإجلال = لا تشري وانت لعبك زات يا دنيا من انتي له