هذه ابيات متواضعه تفاعلاً مع قضية الأخ محمد بن عبدالله بن بشير عند محمد بن عجيم نسأل الله العلي العضيم ان يفك اسره وارجو المعذرة ان وجد أي خطأ سواءً في الإملاء او التعبير
ياهاجسي قدام تصفح طواريك = دور جزيلات المعاني وجبها
امطر علينا من سحايب معانيك = سحايب(ن) تقطع ضما من شربها
واقطع ضما وردك من سيول واديك = ولا تصدر غير مليا(ن) قربها
وحقك علي اكرم جنابك واداريك = وحقي عليك الطيبه عجل بها
شاعر ومنطوقي رصيد(ن) على شيك = اهرج واثمن كلمتي واحسبها
من شان ماتضحك علي الصعاليك = وتلقى علي الدرب وتقل ادبها
ولا يجيني من هل الطيب تشكيك = وترد شرهتها على اللي كتبها
روس الرجال اللي تحل الشرابيك = اموت ما اصير السبب في غضبها
هقواتهم فيني مثل هقوتي فيك = دور طرب قلبي ودور طربها
يامحمد بن عجيم كل الرجا فيك = بعد الله , اوجب للنشاما طلبها
شفهم مثل وصف العبيد المماليك = لرضاك يامحمد تثنت ركبها
يبغون لفحات العفو عن بنا اخيك = العفو عند المقدره واحتسبها
عانه ورى سجن الحديد متحريك = من العام عينه ماتوالف هدبها
عليه صلفات الليالي دواكيك = وكنه على نار(ن) تواقد حطبها
يفرح ويفزع كل ما حل طاريك = خوف ورجا في حالت(ن) مالك بها
واليوم كل(ن) بالتسامح يناديك = وفيك الهقاوي الطيبات نحسبها
تكفى ترى حل الشرابيك بيديك = واللحيه اول عزها من شنبها
يامحمد بن عجيم كل الرجا فيك = بعد الله , اوجب للنشاما طلبها
شفهم مثل وصف العبيد المماليك = لرضاك يامحمد تثنت ركبها
يبغون لفحات العفو عن بنا اخيك = العفو عند المقدره واحتسبها
عانه ورى سجن الحديد متحريك = من العام عينه ماتوالف هدبها
عليه صلفات الليالي دواكيك = وكنه على نار(ن) تواقد حطبها
يفرح ويفزع كل ما حل طاريك = خوف ورجا في حالت(ن) مالك بها
واليوم كل(ن) بالتسامح يناديك = وفيك الهقاوي الطيبات نحسبها
تكفى ترى حل الشرابيك بيديك = واللحيه اول عزها من شنبها
شاعر ومنطوقي رصيد(ن) على شيك = اهرج واثمن كلمتي واحسبها
كفو يابومعدي
واليوم كل(ن) بالتسامح يناديك = وفيك الهقاوي الطيبات نحسبها
تكفى ترى حل الشرابيك بيديك = واللحيه اول عزها من شنبها
الله يبيض وجهك على ذا القصيده وذا التفاعل
ونسأل الله العلي العضيم ان يفك اسر ابوذيب
مع
أطيب المنى؛