كما وصلني
نصيحة لكم من أعماق قلبي ..تعرفون ان في الفتره هذه انتشرت اللابتوبات اللي فيها كاميرا
وأي واحد شاري هالابتوب مبسوط فيه وراج راسنا بكاميرته
وماشي عند الناس فشخره لابتوبي فيه كاميرا
لكن اللي أغلبكم ما يعرفه انه انتشر برضو برنامج
يشغل الكاميرا بالمسنجر أو السكايبي وانت ما تدري
يعني راعي البرنامج يدخل عليك ويشوفك وانت تحسب كاميرتك طافيه
والادهي والأمر انه حتى الشخص اللي انت ما سويت له قبول يقدر يشغل كاميرتك عن
طريق الرسالة الفورية <<< هذه ميزة بمسنجر بلس
واللي خلاني أكتب الموضوع هالسالفة :
يوم الاثنين اللي فات كنت رايح لواحد من اخوياي
وهالولد أنا أفهم وش فيه من تعابير وجهه
وشفته مبين عليه الهم والغم والدنيا مو شايلته
سألته وش فيك ؟
وقالي سمعت عن البرنامج اللي يشغل كاميرا النت
قلت له ايييييه وش بلاه
قال أنا يوم السبت تارك ماسنجري مفتوح واللابتوب مشغل
ورحت أتروش ورجعت أبدل بغرفتي <<< يعني كان عريان <<
يقول شويه واسمع صوت المسن اللي يطلع لو أحد كتب لك كلام
ولما دخلت إلا واحد يقولي شخبارك ومن هالكلام
وما امداه أخذ دقيقتين إلا يقولي بوريك شيء .. مقطع فيديو
خويي تحمس وجا يبي يطالع إلا المسكين شاف نفسه وهو يبدل
يقول خويي الحمد لله ما أغمي علي ولما أخذ وعطى
الولد قاله إذا ما تبي المقطع ينتشر ادفع لي 1000 ريال شحن سوا ترسلها لي
طبعن خويي ما وافق لانه عارف أن الولد بيرجع له مرة وثنتين و3
الولد للاسف عمره 21 وعاطل ومو هامه أحد
حتى لما خويي قاله اتق الله فيني قاله مو شغلي ولا تفتحلي مواضيع دين
المهم أن الولد مهدد أنه ينتشر المقطع
وخويي لما أمس وهو مصدوم وحالته حاله وخايف
والسبب كله كاميرا اللابتوت اللي حنا فرحانين فيها
عشان كذا نصيحة مني لكم شوفو لها حل
غطوها بورقه أو كسروها وجيبوا وحده خارجية
حبيت أنبهكم وبس والباقي عليكم
الله يستر على خويي يارب
الله يعدم جهاز الولد راعي البرنامج
والله يهديه أو ياخذ روحه ويفك الناس من شره
قولوا آآآمين.
انتهى.
للأمانة منقول للفائده
انتبه من كاميرا اللابتوب
العرض العادي
