يا صاحبي كيف مدخالـي ومخراجـي=ما عادهـا بلـولات سهـود ومهـودي
من دونك يردنـي مسـارى ومدلاجـي=والوادي المعترض وجبالـه السـودي
وقصرت عنك الرجل ما عاد يحتاجـي=من يوم حطوا علينا حضـر وقيـودي
إن رحت لك خايف من بعض الاحراجي=وان ما وصلتك لحقني منـك منقـودي
أصيـح ممـا حصـل ولانـي بناجـي=واليوم حبـل الرجـا باليـاس معقـودي
الله يسامحـك كانـك سبـة إزعاجـي=ولعتنـي واشتعـل ملحـي وبـارودي
يا ونتـي ونّـة اللـي مالـه علاجـي=على فراش المرض ما عنـه منشـودي
حفظت نتائـج فحوصاتـه بالأدراجـي=ما عاد يرجـى شفـاه وعـدّ مفقـودي
ويا حن قلبي حنين اللي بهـا خلاجـي=حطوا ولدها لها ( بوٍٍ ) علـى عـودي
قامت تجـر الحنيـن وتلعـج العاجـي=تلعج على ( بوّهـا ) والعالـم رقـودي
وأنا بعينـي لذيـذ النـوم مـا ساجـي=ينتابني مـع هجـاد النـاس هاجـودي
و أساهر النجم ليـن الصبـح ينباجـي=أقوم واجلس وجسمـي كنـه مـارودي
أنا اشهد أن الهـواء والحـب فلاجـي=ما عاد يحتاج لـه برهـان وشهـودي
عبدالله المشعلي
الوادي المعترض
العرض العادي
