السر الكبـــيـــــــــر

[ناصر بن هذال]

مارجيت الا أنت ياجزل العطى=مدتك تغني عن رجال كثير
من درى يدري ومنهو مادرى =يخبره وقته عن السـر الكبير
لاسقاك الله ياوقت مضى =أشهد إني فيك كبرت الصغير
ليتني مارحت أدور بالثرى =عن نجوم الليل والبدر المنير
المعزه قدم والذله ورى=عاقد النيه وباحث المسير
مثل شيهان على القمه رقى=صف جنحانه وزان اله المطير
بتجه للبر واطراف القرى=التحف بالليل وفراشي حصير
وباذن رب الكون علام الخفى=دام راسي حي تلقاني بخير

[عبدالله المشعلي]

صح الله لسانك يا شاعرنا قصيدة من الوزن الثقيل رائعة وشاعرها أروع

تقبل تحياتي

[ناصر بن هذال]

الأروع حظورك ياإستاذي
شرفتني بمرورك والله العظيم .

[السهل الممتنع]

التحف بالليل وفراشي حصير

ابو يزيد

هذا النص اجد ذاتك الشعريه من خلاله لذلك اتمنى

ان اراك بهذا الشكل دائماً ياصديقي العزيز

دمت رائعاً

تحياتي القلبيه

اخوك ومغليك

[ابوشيبه]

صح لسانك ولاهنت على هالقصيده الاكثر من رائعه

[ابوخالد]

وافيه ذي القصيده يا ابويزيد..

تستاهل التثبيت لتأخذ حقها..

[الناااايفه]

وباذن رب الكون علام الخفى==دام راسي حي تلقانـي بخيـر

صح السانك يا استاذي القدير

[برق الحيا]

صح لسانك يبوهذال ...

وافي وقصيدتك وافيه ...


تحياتي ..

[le prince]

صح لسانك يابو يزيد .
قصيدة كفو تدل على قائلها .

[عبدالعزيز الوهابي]

ما شاء اله عليك يا بو يزيد شاعر كبير
لكن طولها المرة الثانية لنطرب أكثر\


تحياتي