جـور الدهـرمافية شـك وريبه = مر على حال ومر على حال
ياخذ من ادفوع الليالي نصيبه = تومي رحوله بين حل وترحال
ما يعلم الا والي العـرش غـيبه = كم غافل خلته الايام يـــهتال
العـبد يمشي والـمنايا تجيبـه = والاقدار ما يمشي عليهاتحيال
والخاتمة من كل نفس قريبــه = الله يزين خاتمتنا بالاعمــــال
دنيا تقلب في الليالي الغريبه = لابيتت ذولا فذولاك مقيـــــال
وكل على صكات بقعا الغريبه = ما احد على صد المقادير يحتال
والناس لاجات الظروف الصعيبه = عاداتهم وحده على مر الاجيال
كل مع عصّابته في المصيبــه = للضد ضداد وللحمل شيــــال
جنب ابن عمك ماتشوف الغليبه = حتى ولو ماتكمل ارباحك اريال
من غيركم لاكلحت ينتخيبــه = خص ليا حده عليك اشهب اللال
وقف بجنبه وقفة تعتني بــــه = ماينثني من موقف الطيب رجال
ولاتدقق ويش خبثه وطيبـــــه = لاصار له في موطن الضعف مدهال
ولابدعثرات الزمان اتغدي به = والا يجيك من الصواديف غربــال
فترى المريض اللي يحير طبيبه = ماهو بمن حط المرض عظمه اخلال
اصل المريض اللي يحارب قريبه = وعثرة رفيقه يشتريها بالاموال
ويبغى يكسر شوكته باللي هي به = لو كان يبدي انه رفيق ووصال
لما دعا داعيه ساق النجيبه = ما ينفعك لصارت حمولك ثقال
والموقف اللي ينفعك يستعيبه = وان كان جامل صار قلز وملال
فرفيقك اللي لازمك ما يجيبه = لا يعتبر ربح ولا يعتبر مال
لا بار بك في الضيق ويشك تبيبه = خله على جال وخلك على جال
ما ينطمع في رفقة بالغصيبه = قد هي تسد اسماء بطاقات الاحوال
احذر ولو جار الزمن تعتزيبه = ترا القزازة ما تحتها لك ظلال
ولو يلتوي بك ضيق لا تلتويبه = تراه في الرفقة كذوب ودجال
لاتقرب اللي بين الوقت عيبه = خله على مركاه يا طيب الفال
قالو العرب في كل شي ضريبه = والحر تغنيه التجارب والامثال
الرفيق
العرض العادي
