خذ رسالة ياسفير المحبة وارق فوق

[القحطاني]

ياسفير الحب يوم تخايل في البروق= وان عرفت القابلة وش تبيع القابلة
خذ رسالة ياسفير المحبه وارق فوق= وبلغ الطرقي وقله بلاش مجاملة

[أبو فيصـل]

مرحباً بالصاحب اللي على العليا سبوق=ويش تقصد من سؤالك بلاش محايله
من رسالتكم فهمنا كلام ما يروق=والأمانه اعتبرها بساعه واصله

[القحطاني]

انت قبل العام لك مع هل الاذواق ذوق=والسنة هذي قصيدك رموز معادلة
بين سين وصاد وتحط دون الطوق طوق=روح ود معاملة روح هات معاملة

[أبو فيصـل]

ماتغير طبعنا وانت ماتكذب صدوق=غير لاتحكم على الناس دون مقابله
طرقنا واحد ولافيه فرق بالطروق=لايروح الليل كله كلام مجادله

[القحطاني]

لا يضيع الحق بين الامارة والحقوق=ضربة منها تصحصح وضربة قاتلة
وان بلقت عيونك الحمر سموك البلوق=جامل مجنن الاوادم من اجل العاقلة

[أبو فيصـل]

الله يكفينا من الشر ويدين السروق=واليمين العاطله ماتجي كالعامله
فكر بعض الناس مسموم يالله لاتعوق=جين في دمه ولايدري انه حامله

[القحطاني]

لا ضعف قلبك ودمك وقف وسط العروق=وش تبي بالعاجلة وش تبي بالعاجلة
لا اقبلت خطوتك تضعف ولا قفت سبوق=انت ماشي صح لكن عكس القافلة

[أبو فيصـل]

بنصحك ياصاحبي سم واشربلك غبوق =لايوهقك المقرد مع اللي صامله
ترجع وراسك من اللي حصل غادي دقوق=وتنام الليل بضلوع ماهي كامله

[الذيب2010]

صح لسان الشاعرين على هاذي المحاورة الجزلة والقحطاني شاعر ولكن يالقحطاني ان كنت ريحا فقد لاقيت اعصارا

[أبو فـلاح]

عودا حميدا للجميع إفتقدنا هذا الحماس من زمن ...



آسف على المقاطعة ....