ألا يالوليف اللي تغبـَـى له من سنيــن=أنا ويش أسـَـوي كـل ما طالـت المده
خذيت بوعـدك اللي على قولتك يومين=وعذرك تبي لك لازم(ن) في طرف جده
لكـَـنَ الوعـد طـَـوَل وأشوفك مع المقفيـن=ولاعاد لك شوفه ولا عاد لك ردَه
ألا واعذابـي منـك ياسبـَـَـة الساهيـــن=جهلت السبب ليـه أنـت متعمـَـد الصـَـدَه
أنا مدري من الوقت يمكـن عليك يشيــن=وتصبـح كما ريـم(ن) من الصيد منحــدَه
حبك بنالـه داخلي مثـل ســور الصيـــن=وشوقـي لو إنه يعـد بابطي وأنا أعـدَه
أنا بدوي(ن)..والبدو في العهد وافيــن=وأقول في نفسي ترى ظروفه تحــدَه
ميـر البـلاء غيبتــك زادت على العاميــن=وأنا كل يوم(ن) أصخر القاف وأعــدَه
فاللاء ياحمام الورق جنـَـحَ لصوب الزيــن=وعطـه الجزيل وصادق الشوق لــه ودَه
أنا من بعد فرقاه مانــي مع الحييــَـن=ولانـي من اللـي في الزمن قد لحـق جــدَه