ابن فطيس يقول
واليوم, لاوالله, شفت القاف شاب **** صار الشعر كوره وكلن له فريق
وضاع الهدد بين الحديّا والغراب **** وضاع الصهيل, مكرّمين, من النهيق
إلا الرجال اللي قصايدهم عذاب **** اللي لها معنى بها حسٍ رقيق
لا تشعل الفتنة, ولا تطرد سراب **** ولا يرقّع ما نقصها بالزعيق
بس العرب ماعاد تدري بالصواب **** ما ميّزوا ويش الزفير من الشهيق
من جاب ضيعة قيل شوفوا ويش جاب! **** أنا أشهد أنه جاب له معنى عميق
الذيب كانه ذيب يدرع بالذياب **** ويخلّي الخرفان للضبع العويق
الشاعر خلف المشعان شاعر جزل وقوي وقصيدة ابن فطيس الاخيره ليست في المستوى المامول من شاعر حاصل على بيرق الشعر السنه الماضيه فأقل انسان معرفه يستطيع ان يقول ماقاله ابن فطيس نثرا او افضل اما المشعان فاتوقع من وجهة نظري انه يفوق كثير من شعراء المليون السنه الماضية وهذه السنه
الشاعر خلف المشعان اعلن التحدي مبكرا وللتاريخ فقد كانت اغلب قصائده مميزه كما ان ابن فطيس لم يوفق في اختيار موضوع القصيدة لان المنافس خرج مبكرا ولم يسيئ له باي ألفاظ نابية. كما انه عندما سأله العميمي (مااشتقت للنقد كان رده ان النقد لايكون له .اخيرا اتوقع ان خلف المشعان يفوق المري شاعرية بالرغم من خروجه المبكر والغير مبرر فقد تأهل عامر بن عمرو والسفياني والاماراتي ابن حماد على ماعتقد وجميعهم اقل بكثير من شاعرية الوايلي والمشعان
هذا رد خلف المشعان على قصيدة بن فطيس والتي يقال انه قصدها به والله اعلم
ماني بمن ياتي على شان يدرون=انا الذي يدرون به قبل ياتي
نجمي سطع من غير بيرق ومليون=قليل في جيلي يسوي سواتي
ماجيت اهايط بس لا زم تعرفون=ما زعزعت بعض السوالف ثباتي
لو شلت في قلبي مثل مايشيلون=ماكانت الطيبة من ابرز صفاتي
يامحمد ابن فطيس وش فيك مشحون=مااخطيت يوم اني حسبتك لقاتي
ابي اطفي الفتنه وابي انشدك وشلون=اسلم من الضيعه واجمع شتاتي
الناس معها عقل ولسان وعيون=وقدامهم كزيت يمك وصاتي
ماجيتك ببيت مع الشعر مدفون=جيتك على وضح النقا ياغناتي
ماني من اللي في قفا الناس يحكون=عيب على ألحق خويي حصاتي
اللي لياقفيت عنهم يهدون=ماهم بكفو لرجعتي والتفاتي
سكرت اذاني عن وكالة يقولون=وذكرت لي بيت يفسر سكاتي
الله يجيبك من بعيدن ليا دون=والله يحطك باللقا من تلاتي