هذه الابيات المتواضعة نظمتها وأنا اقضي جزء من الاجازة على الساحل الغربي
شوقا الى مدينتي وأهلها الكرام اللذين لا أمل الجلوس معهم
مشينا وابتعدنا عـن سميـراء والله الواقـي=عسى الله يكتب اللي به لنا صالح ولا ننعـاق
ثلاث أيـام مـرت بالتمـام ومثلهـا باقـي=وانا توي عرفت ان السفر لاطـال ماينطـاق
تكدر خاطري عقب الغياب وشانت اخلاقـي=واثر مايحرق الاعصاب غير مفارق الاصداق
يابن عمي لكم منـي سـلام وبلـغ اشواقـي=لكل اللي نشد عن غيبتي صادق من الاعماق
سلام الله على كل الشبـاب وكـل الارفاقـي=سلام (ن) عد ماشعشع بظلمات الدجى بـراق
على كف الهبوب اللي يحرك خضر الاوراقي=سلام(ن) فيه ريح الورد من يم البحر ينسـاق
جلوسي مع شغاميم الرجال وهرجنـا راقـي=أخير من السواحل فوق راسي ينعق النعـاق
ليامني جلست مفرع وساقـي علـى ساقـي=أحس اني ملكت الفيصلية وافخـم الاسـواق
أول مشاركة لي قصيدة أرجو أن تعجبكم
العرض العادي
