انت الدواء وانت الطبيب المداوي

[مناحي معدي المسردي]

هذه القصيدة قلتها في العم/ سعيد بن محبوب بن سمران حفظه الله
ولها مناسبة خاصة

يا الله يا للي تعلم السر والغيب= تعلم نوايا كل من كان ناوي
يامن تقول اسأل يا عبدي وأنا أجيب = عليك تحقيق الأمل والمناوي
يا عالم الشكوى بليا مكاتيب= أنت الدواء وأنت الطبيب المداوي
لأصابني من وقتي الشك والريب= وتراكمت فوقي ثقال البلاوي
أمد للمولى حبال المطاليب= واربط حبالي في وثيق العراوي
وابذل سبب واخذ مع الناس وأجيب= ولاني على العالم كثير الشكاوي
نمسك سرا وليا قربنا من الشيب= قفل محابيسه وجمه رهاوي
والشاعر اللي يدب القاف تأديب= يسكت رزانة عقل مدري حياوي
اصهل صهيل حصان واعوي عوى ذيب= واكسر عباري بصدري خلاوي
ماني مغثرب صافيات المشاريب= ونار الجفا ماني عليها بقاوي
وماني بمتعدي حدودي ولا نيب= راوي سواليفي على كل راوي
مارمي بنفسي بين شباب ومشيب= لاصار حبل الود يمي رخاوي
ولوكل مره نرسل عتاب تأنيب= لقوا علي عوجان الألسن حكاوي
أهل النفاق ملاحقين المشاهيب= تفرح ليا كثرت علينا ألا هاوي
رفيقي اللي لاخمشني مخاليب= يفزع قبل ترسل عليه الدعاوي
يجي قبل ما رسل عليه المناديب= مثل سعيد القرم زبن الجلاوي
سعيد بن محبوب رجل ألموا جيب= يلوي ولا تلوى عليه الملاوي
حر شهر في عاليات المراقيب= في واجبه تلقاه جندي في فداوي
يابو فهد يا منبع الجود والطيب= يا كاسب العليا بعيد الهقاوي
لعل يفدونك كثار العذاريب= اللي مراجلهم سوالف قهاوي
اللي لهم سكبه ودا يم معازيب= وليا حكوا تسمع صهيل وعزاوي
سود القلوب مشذبين العراقيب= لهم من الكرمة طحال ومحاوي
ويفداك من سمي قريب محاضيب= لو كان له عمه وبشت حساوي
ويفداك منهم يشغلون المناصيب= شغلتهم أهل معارضات وشكاوي
حساد ما يبغون لحد مكاسيب= غاوين واللعنة على كل غاوي
ويفداك من تحضر مراجله وتغيب= زايد صفر ناقص صفر وش يساوي؟
دايم وهو يخطيبه الظن ويصيب= ماحر كبد ولابطيبه يداوي
قرب التقاعد لا رخامه ولا طيب= وهو من الأولى قريب الحراوي
والمرجله ماهي مضارب مشا عيب= لكن تبي عاشق روابع وهاوي
آخر كلامي ياعطيب المضاريب= ترجمت لك شي له الصدر حاوي
ورتبت لك مشاعر القلب ترتيب= واقبل ختام بيوتنا طيب جاوي
دايم عيال الذيب نسخه من الذيب= وفي ماكر الحر النداوي نداوي
وليا صفا لي عالم السر والغيب= صفى مشا ريبي وصدرت راوي

[أبو فـلاح]

حجز المقعد الأول ولي عودة

[ماهر الماهر]

الله عليك من جد لله درك يابو راكان
لم استطع اقتباس بعضها فهي درة متكاملة
صح لسانك مليووووون
شـــاعـــرنـــا المبـــــدع مناحي ابن معدي
ابياتـك كـتبت بحـروف ذهـبيه ..
عـانقت الوجــدان بعــذوبة مفــرداتها .وفاحت بروعتها ريح الخزامى والمسك ...
طبت وطاب شعرك
وسلمت اناملك على هذه الجواهر في شيخ الخفجي ابو فهد اوابو اليتمان كما يحلو لي أن اسميه
لك من تحياتي أصدقها مصحوبة بصادق دعواتي
بأن تنعم بسعادة تدوم للأبد يابن سمران
دمت متألقاً دمت مبدعاً
" دمت في حفظ الرحمن

[محمد الحياني]

ونعم فيك وفيه

وصح لسانك يالغالي

مبدع

كثر الله خيرك

[جزاء بن محمد المسردي]

صح لسانك مليون يا ابوراكان وابو فهد يستاهل اكثر

[سلطان آل حيدان]

ألف شكر على هذا النقل الجميل
قصيدة رائعة وتسلم يمينك على النقل
صح ألسانه أبو محبوب

تحياتيـ

[مناحي معدي المسردي]

الاخ ابو فلاح

شكراً على مرورك ونتشرف بعودتك للقصيدة مرة ثانية

الاخ ماهر الماهر

مشكور على المرور وعلى هذا الثناء الذي
يزيدني شرفاً فان اعجابك محل تقديرنا واعجابنا ونسعى لنيله

الاخ محمد الحياني
ماعليك زود وصح بدنك يالغالي
ومشكور على مرورك

الاخ جزاء
صح بدنك يابو محمد ومشكور على المرور

الاخ سلطان ال حيدان

اقتباس: ألف شكر على هذا النقل الجميل قصيدة رائعة وتسلم يمينك على النقل صح ألسانه أبو محبوب

تحياتيـ
شكراً اخي سلطان على مرورك
لكن القصيدة لي وليست لسعيد وانا اقول قلتها وليس قالها

[أبو محمد]

ابو راكان 000000000(مافيك حيله )
صح اللسانك والممدوح يستاهل المدح واكثر

[سلطان آل حيدان]

أبو راكانـ
آسف أشد الأسف على هذا الخطأ
والمعذرة العجلة خذتني وللأمانه القصيده ما قريتها المرة الأولى وحبيت أشارك
وأكرر أسفي القصيدة رائعه ولاتستغرب منك
وهذا درس قووووي و جل من لا يخطأ

تحياتيـ لكـ يا أبو راكانـ

[مناحي معدي المسردي]

اخواني
احببت ان اكتب رداً حتى تخرج القصيدة في الصفحات الاولى
هذا السبب الاول
اما السبب الثاني فقد وجدت ان هناك من سرق القصيدة ونزلها في منتدى ثاني
ولكنه نسي ان القصيدة تحتوي على اسم سعيدبن محبوب في احد بيوت القصيدة فنسي هذا السارق ان يشيل الاسم ام انه لم يقراء القصيدة كاملة

اشكر الشاعر الكبير والصديق الصادق ابو محمد على المرور
حتى ولوكنت متأخر فلم اتأخر الا ثلاث سنوات على الرد