وينك يالطرقي

[أبو فيصـل]

الا يالطرقي المنعور من بعد الغياب نعود=نجدد عهدنا لول بريح الفل والكادي
نبي نمشي على وضح النقا مانبغي المنقود=وترى ماكل راس لانويته جاك منقادي

[الطرقي]

الا يا مرحبا واعداد ماهبت هبوب النود=ويوم(ن) فيه اشوفك يابن عمي ثالث اعيادي
انا خابرك زود لي ولا لي في غيابك زود= مدام انك معي ماهمني المندل والغادي

[أبو فيصـل]

الا وبك البقا ياللي تعطرنا بمسك وعود=كريم الاصل معروف النبا من روس الاجوادي
انا وياك يالطرقي على العدوان كالبارود=ولكني اشوف المنتدى مافيه روادي

[الطرقي]

انا لو جت يا نبع الوفاء تستاهلون الجود=مع ان اللي بذلته عادي(ن)واقل من عادي
وعسى ربي يبارك في جهد من يبذل المجهود=على ايدك قدم اللي يجذب الجمهور للنادي

[أبو فيصـل]

اخبرك قايد الحمله واعرفك للرجال تقود=وعله ينهدم بيت(ن)بلا ظل(ن) ولاعمادي
اشوف الصدق يالطرقي غدا في ذا الزمن مفقود=وصار المدح يشرى بالدراهم بين لعبادي

[الطرقي]

على خبرك وعرفك والثناء للدايم المعبود=هاذي في الاوله والثانيه ماني بنشادي
كلامك صح لكن كل شئ(ن)ينقبل في حدود=وعسى رب السموات السبع يرحم حمد هادي

[أبو فيصـل]

انا ماقول لي قول(ن) يكون اثبته بشهود=وعمر الكذب يالطرقي مع الايام مافادي
وعسا يجزاك ربي خير يوم انك ذكرت العود=جعل في جنة الفردوس له ظل(ن) وله زادي

[الطرقي]

تراديد المعاني يالسفير اتقرب المنقود=وكلامك حن شهوده كلنا ربع(ن)واهل وادي
تواريخ تسطر من عصر عاد(ن)واهل لخدود=لكل اسم تبي 0التاريخ له هجري وميلادي

[أبو فيصـل]

انا مابحث عن المنقود يالطرقي ومنه احود=وكلام يقرب المنقود ماني فيه قصادي
ولكن غير الموضوع نبغى شي منه فود= وماتبغاه يصير ان كان رب الكون له رادي

[المسافر]

أيهااااااااااا العظماااااااااااء أرفعوها تراهم ربعكم