((((**... طح ... طوح...**)))

السهل الممتنع

السلام عليكم ورحمة الله وبركاته

وبعد...!؟

متواضعه اتمنى ان ترتقي لذائقتكم ...
ـــــــــــــــــــــــــــــــــــــــــــــــــ

صفّرّة يافصل
العمر بـ أول البوح
ما كن فصلك توّ مـ اورق ربيعه

لو ما الشتا ما
وشـ..وشـ الغصن يالدوح
ولا النار ترجف تحت رحمة صقيعه

حاديني
لـ شيبٍ عفاره من النوح
عودٍ يدوّه لي وانا بـ راس ريعه

وأجيه ادرهم
كل ما حنّت جروح
جردٍ من الضيقات شهب ومريعه

واقوم اقشـ...قشـ
يابس العمر واروح
اشب جذوَة خافقي من جزيعه

وأقلّط بـ ناري
من الجوع كم دوح
ولا آكل الاّ ضيق نفسٍ وجيعه

يالين صارت
ضيقتي طبع للروح
طبيعه ....ويا لعنبوها طبيعه

قلت استفز اقلام
من غطرست لوح
لا علّني آثور للي هزيعه

نفسٍ خذاها
الحزن من راس طح طوح
تبغى الطليعه .....بس وين الطليعه

دام الوجع
يثعابها لا غفى الضوح
في وجه ليلٍ ما فزع لي شجيعه

لكن ورب
اللي قسم بينّا روح
يـ أني لا آطيع الضيق لو ما استطيعه

ما غير ضيقة
صدر يومين وتروح
وشلون لو ضاقت عليّ الوسيع

ــــــــــــــــــــــــــ

*****انـــــتــــهـــــــى******

السهل الممتنع

أبو محمد · 01 / 11 / 2006, 56 : 11 PM

صح السانك 0000اتعبتني وانا اتقمص شخصيك في الدور والرحله (القراءه)
والصحيح ابدعت

عيد بن عبدالله بن هرسان · 02 / 11 / 2006, 46 : 11 PM

صح السانك

والله انك مبدع يالسهل الممتنع

واكبر دليل قصيدتك هذي وقصيدتك اللي

القيتها على قناة النجوم

كاشخ 24 ساعه · 03 / 11 / 2006, 16 : 03 AM

واقوم اقشـ...قشـ
يابس العمر واروح
اشب جذوَة خافقي من جزيعه

صح لسانك يالسهل

تقبل فائق احترامي

كاشخ 24 ساعه

أبو فـلاح · 04 / 11 / 2006, 17 : 12 AM

السهل الممتنع
مرحبا بعودتك وإن كان غيابك سيجلب لنا مثل هذه الرائعة فمرحبا بحضورك في كل مرة .
قصيدة راقية ورائعة ..
فقط وددت أن أشير إلى وجود خطأ بسيط في البيت الأخير
ما غير ضيقة
صدر يومين وتروح
وشلون لو ضاقت عليّ الوسيع
يبدو أنك نسيت الهاء في كلمة (الوسيعه) ...

السهل الممتنع · 07 / 11 / 2006, 24 : 02 PM

ابو محمد

صح قلبك فديت قلبك

مرورك بحد ذاته قصيده (((ومشجّع لكل من هو مبتدئ)))

فـ الف شكر لك هذا المرور المشرف لي ولـ قصيدتي المتواضعه

واعذرني ان اتعبتك في قرائتي ...

تحياتي القلبيه

اخوك ومغليك

السهل الممتنع · 07 / 11 / 2006, 25 : 02 PM

عشق بدوي

صح كلك لبى كلك

والابداع يبقى في وجودك فديت راسك

تحياتي القلبيه

اخوك ومغليك

السهل الممتنع · 07 / 11 / 2006, 25 : 02 PM

كاشخ 24 ساعه

صح قلبك فديت قلبك

ويبقى مرورك عاطر في كل مره

تقبل تحياتي القلبيه

اخوك ومغليك

السهل الممتنع · 07 / 11 / 2006, 27 : 02 PM

ابو فلاح

صح قلبك فديت قلبك

ابو فلاح تبقى الاشياء بمرورك اجمل

فـ الف شكر لك على تقليدك متصفحي بـأحرفك الذهبيه

(((شكراً على التنبيه يا ابو فلاح )))

تحياتي القلبيه

اخوك ومغليك

مخـاوي الذيب · 08 / 11 / 2006, 51 : 07 PM

صح لسانك

قصيده رائعه

يعطيك العافيه.....