الأرع لما استوى آآل للخيار يا لوبيا ...

[جريح الذكرى]

[align=center:f5d05a3880]ما فيه الا سلامتكم:

راكب سيارتي .. و ماشي في أمان الله .. و فجأه شفت أنوار وعالم تأشر
وقفت سيارتي .. و أذا واحد يناديني و يقول لي :
مرحبا يا الشيخ .. معك سليمان العيسى ..و نبغى نسوي معك مقابله في برنامجنا الجديد .. على فكره تراك انت اول واحد نقابله ... انشاء الله يكون وجهك خير على البرنامج
قلت : لا من ناحية وجهي خير هذي لا تشيل هم .. القناة الأولى بكبرها تبي تستعز بعد هاللقاء مهوب البرنامج بلحاله ..
سليمان : يالله جاهزين يا عيال .. ابدا التصوير

وبدا سليمان المقابله :
سليمان : ايها الإخوة والأخوات في جميع اصقاع الوطن العربي ..
أهلا بكم في برنامجنا الجماهيري الجديد .. ما يطلبه الزلايب .. في البدايه نرحب بالزلابه المتواجد معنا .. الأسم الكريم ؟

أنا : جريح الذكرى

انا ما امداني اقول اسمي الا و اسمع واحد يزاعق و يقول وقف التصوير

سليمان : وشفيه يا طارق ( يكلم طارق ريري المخرج )
طارق : قول للبغل اللي جنبك يقول اسمه بالكامل

طبعا انا حسيت ان ابو ريري كارهني من البدايه مدري ليه

رجع سليمان يكمل المقابله
سليمان : .. الأسم الكريم ؟
انا : قلت اسمي جريح الذكرى والي ماينجرح من الذكرى ما هو رجال
سليمان : العمر
انا : 47 سنه .. يعني خبره في الملاعب
سليمان : الهوايات
انا : والله بصراحه .. المشكله ان جميع هواياتي ممنوعه هنا .. وبعض هواياتي ممنوعه هنا و برا
سليمان : طيب بالنسبه للحالة الأجتماعيه .. هل أنت متأهل ولا لا ؟
انا : لا و الله طالع من الدور الأول .. مع اني حاولت اساعد الفريق باللي اقدر عليه .. ودفيت اللاعبين بمنشطات ليل ونهار ..و هات يا رشاوي للحكام .. بس عاد الشكوى لله .. الثور ثور .. وكلنا نتايج بالسبعات و الثمنيات

طارق : يا أبله .. يسألك يقولك انت متأهل ولا لا .. يعني متزوج ولا لا ..شكل المقابله بتصير كلها مونتاج ..
انا : و الله كنت متزوج بس مع الأسف .. انهارت العلاقه بعد 37 سنه زواج .. وطلقتها
سليمان :لا حول ولا قوة الا بالله .. ليه ياخي وش السبب ..
انا : ابد والله .. تحداني واحد من العيال اني اطلق .. و قلت له: طيب و اذا طلقت وش لي .. قالي اذا سويتها ابشر بالحق .. وطلقتها بالسبعطش .. بس الشهاده الله يا سليمان تيس المندي ( الحق ) كان على كيف كيفك
سليمان : و انشاء الله ما كان فيه اولاد
انا : الا كب بزارين .. عندي سبعه .. ثلاث عيال و اربع بنات
سليمان : وش الأسماء
انا : البنات اسماؤهم .. خنشليله .. جراديه .. منفوحه .. ام سليم ..... و العيال .. منجرح .. مجروح .. جارح
سليمان : بس نتأمل انهم حصلوا على تربيه رفيعة المستوى ..
انا : أي تربيه يابو تربيه .. شفت البزران التكارنه اللي يبيعون عند الأشارات .. نصهم عيالي ..

طارق : بالله يا سليمان غير الموضوع المعفن هذا ..
سليمان : طيب ما ادري يا اخ جريح ما هي مدينتك المفضله
انا : مدينة اقادير
سليمان : طيب مدينة تتمنى الذهاب اليها
انا : برضه مدينة اقادير
سليمان : طيب هل ذهبت الى مدينه اخرى غير مدينة اقادير اللي ازعجتنا فيها
انا : و الله بالأضافة الى قريه جاش .. .. ما قد سافرت الا لأقادير
سليمان : ما تلاحظ انك اقلقتنا بأقادير .. ألا وين تقع ؟
انا : والله اللي يسأل ما يتهوش .. بس اللي اذكره انها كانت جنب محيط .. عاد أي محيط مدري ..
سليمان : طيب ممكن تقولنا موقف محرج مر عليك ؟
انا : والله لا يحضرني شي
سليمان : طيب موقف طريف
انا : برضه لا يحضرني شيء
سليمان : طيب قلنا أي موقف لو حتى موقف سيارات في منفوحة ..
انا : ياخي ما يحضرني
طارق : ياهوووووووه .. اقلقت أهلي بكلمة ما يحضرني .. ايش احنا طالبين منك تحضر اراواح .. يا عمي قول أي حاجة و السلام .. احنا اصلا جايبينك تعبية وقت
انا : شف يا طارق .. تراك تهزأ فينيى من الصبح وانا ساكت تقديرا لسليمان ( بدأ يمون ) ، وعلى فكرة تراهم طالبين يقابلوني في ام بي سي في برنامج ( عالم صايعه ) بس انا رافض
.
.
.
.
.
و في الأخير قمت من الحلم ( واحد بدا بسالفه و بحل و شلون ينهيها )





==========

تنبيه :
المعلومات التي حواها الموضوع منافيه للواقع
بل من انتاج بنات افكاري
و للمعلومية :
ترا بنات افكاري لك عليهم ............... بس اعيال افكاري ما عليهم على كيفكم[/align:f5d05a3880]

[مجموعة انسان]

[align=center:84791591aa]العزيز جريح


يعطيك مليون عافيه شديتي اقول وين طاح عليك سليمان العيسى وفي الخير تقول حلم :lol: :lol:


عموما كل القصه حلوه ورائعه واحلى شي فيها هالاقتباس

اقتباس: سليمان :لا حول ولا قوة الا بالله .. ليه ياخي وش السبب .. انا : ابد والله .. تحداني واحد من العيال اني اطلق .. و قلت له: طيب و اذا طلقت وش لي .. قالي اذا سويتها ابشر بالحق .. وطلقتها بالسبعطش .. بس الشهاده الله يا سليمان تيس المندي ( الحق ) كان على كيف كيفك

الله يرجك طلتقها على شان تقوم ولده حق


الله يعينك على البنات بيحطون عليك حتى ولو ملحتها في الاخير وقلت انك تحلم


عموما يالسعودي احيي روحك الحيه



ولازم تزورني ولا بكلم ولد خالتي ش


اخوك/ انا[/align:84791591aa]

[جريح الذكرى]

يا مجموعه ترا معي خلعه من البنات بالله لا تذكرني فيهم خاصه بعد بنات المنتدى

اللي مشاء الله الوحده تطرحلها طابور

[محسن المسردي]

[align=center:cab9086acf]ترا بنات افكاري لك عليهم ...............

بس اعيال افكاري ما عليهم على كيفكم

جريح الذكرى

هذي دقه

بس بنات أفكارك حلوه

تحياتي،،،
.
.[/align:cab9086acf]

[جريح الذكرى]

مشكور يا محسن

على قراءه الموضوع

[سلطان]

[align=center:156cd4860e] جريح الذكرى


هلا والله يعطيك العافيه

وش هالكلام الزين :lol: :lol: :lol:

تسلم ومشكور ( ت ) ....باي

تحياتي ،،،،[/align:156cd4860e]

[جريح الذكرى]

تسلم والله يا بو زايد


ومشكووووووووووور يا مستشارنا الغالي