أش أخباركم وعلموكم
ووين ايامكم
مشتاقين لكم
أخلص علينا وعطنا المفيد --------> خذ لوزين افيدلك (( كنت جوعان وانا اكتب الموضوع فامعليش))
بما اننا مقبلين على رمضان
وتعرفون رمضان له ذكريات خاصة
فقلت اقولكم على سالفة صارت لي من زماااااااااااان
اخبر اول يوم صمته من رمضان كان رهييييييييييييييييييب
وكان مليئ بالاحداث
كنت بالابتدائي بس ما اتذكر أي صف
المهم كنت نايم في بيت خالتي
وكان زي ماقلت لكم ما قد صمت من اول
في الصبح الساعة تقريباً تسع مدري عشر رحنا عند بيت خوي ولد خالتي -----> مشوار بس تحملوني
وقعدنا نلعب كووورة لما تعبنا من اللعب
وحنا صايمين
المهم جاء خوي ولد خالتي ----------> بزهقكم فيها
ومعه علبة ماء وشرب منها وشرب منها ولد خالتي وما بقى لي شي
وحقدت عليهم علشاني عطشاااان حيييل ولا لقيت ماء اشربه
وسألت الولد اللي هو خوي ولد خالتي ----------> إذا زهقتوا منها قولولي علشان ما اظيفها المرة الجاية
اذا عندهم ماء علشان اشربه
قالي ماعندهم الحين ومش فاضي يروح للمطبخ ويجيب لي ماء ----------- صكها بوجهي ذاك اليوم
المهم حقدت عليهم واطلع من بيت خوي ولد خالتي وارجع لبيت خالتي
وخالتي أستغربت اني تركت ولدها وقالت لي (( ليه جيت لحالك ؟؟؟ وين ولدي ؟؟؟؟))
قلت لها (( ولدك ما يستحي يشرب ماء في رمضان وقدامي وقلت له لا تشرب ماء بس هو يقول ما احد بيدري المهم رجعت ما ابي امشي مع ناس يفطرون برمضان))
اهي صدقت سالفتي ولما جاء ولدها وتسفل فيه وتهاوشه وانواع الفلسفة جت براسه وهو ما يدري ايش السالفة
المهم قالت لي خالتي اطلع شوي روح فوق العب سو اي شي ((صرفتني الزبدة ))
اطلع من هنا واسمع أصوات ((طراخ بكش بوم دج طاح )) اصوات على كيف كيفك تعال تنق بس
رحت لمطبخهم وشربت ماء بدون ما احد يدريورقيت فوق
المهم انه حقد علي وقالي (( مالك داعي تقول لامي اني شربت ماء))
بس يستاهل محد قاله يسحب علي ويشرب الماء عني
والمشكلة ان خالتي ما اكتفت بهذا الشي راحت واتصلت على ام خوي ولدها --------> اختصرناها لعيونكم
وقالتلها السالفة
وطبعاً ام خويه سفلت بولدها تسفيل جانا حاقد مع صلاة الظهر وانا اضحك عليهم
كل واحد جاه كف وممصوع وتشوف وجيهم قالبه حمرى (( بس تعرفون انا اقوى منهم علشان كذا ما طقوني))
ولو تشوفهم تقول صايرين كذا معفطه وجيهم من الدبج
وانا اسوي لهم كذا مستانس
واحسن شي بالسالفة ان خالتي ما بقت احد إلا وقالت له عن السالفة (( خبركم حريم )) وانا صرت بطل السالفة واني احسن ولد وجدي عطاني خمسمية ريال هدية وخوالي كل واحد يمدحني مدح احسن من الثاني وكل هذا كوم والسيجا ((اذا تخبرونه)) اللي اشتراه لي ابوي كوم ثاني
اهم شي انه جتني اشياء ما كنت اتوقعها
ويالله ما ابي واحد يقلدني بهالحركات تراكم كبرتوا
نكبة على الاصول
العرض العادي
