جرح الشقاوي
[poet font="Arial,5,white,normal,normal" bkcolor="transparent" bkimage="backgrounds/10.gif" border="groove,5,gray" type=0 line=200% align=center use=ex length=0 char="" num="0,black" filter="":6235c66cc8]
جرح الشقاوي
-
يامل قلب كنه يرضف بمرضاف = كثرت همومه والحقتني كلوفه
مرت عليه ايام صلفات وعجاف = وقت عصيباً عذبتني صدوفه
لا رقدوا تقبل هواجيسي الاف = طواري من كل صوب محذوفه
افكار تلعبي على كل الاطراف = والعين من حلو المنام محروفه
علي من الايام ميلات و جحاف = والناس ما فيهم لحالي مروفه
شكيت قالوا طيب ما بك خلاف = قلت الخلاف بوسط جوفي يلوفه
قالوا لماذا ؟ قلت لي بعض الاهداف = أمال صارت بالضياع محفوفه
قالوا خذ الموجود وأنس الذي طاف = خلك مع الحاضر وما طاف طوفه
قلت اه ودي لكن النفس معياف = وعيني على طبع العياف معسوفه
يا كم وكم رويتها اشكال واصناف = وردت معيف وكنها ما تشوفه
في خاطري بعض المزايا والاوصاف = رسم بقلبي طابعات حروفه
رسم عليه القلب مصيوب بشعاف = وهذا سبب جرح الشقاوي وخوفه
قلبي ما هوب يميل مع كل من شاف = ولا كل من شافه يطابق شفوفه
يبغي اللألي ما يبي قشر الاصداف = يبغي ثمر توه على اول قطوفه
يبغي الغضيض ويرفض اليابس الجاف = لا شك وقته ما تساعد ظروفه
حاولت اجد له عن طواريه محراف = وازريت والقلب المولع بنوفه
يسبح بغبة موج من غير مجداف = قي سكة المجهول يضرب دفوفه
عبر المحيط وهائج الموج رجّاف = ولدري على اية شط ينوي وقوفه
يكفخ على عمياه من بين الانجاف = ونهاية المذهوب غير معروفه
ينزل ويرقى بي على كل مشراف = وعلى كذا راحت حياتي حسوفه
تعبت واتعبت الشقاوي بالاوجاف = عسى نهايتنا تصير مخلوفه
-
الشاعر/ سعد سعيد المسعودي
-
[/poet:6235c66cc8]
|
العرض العادي
