أشوف ليّ ناس مشافيح واحراص=تركض وربي خصص الرزق تخصيص
عبـّـاد مال تأكل العام والخاص=كثر الطمع عطاهم إذن وتراخيص
دايم تربص بالأوادم تربّاص=تـقـنـّـص المحتاج مثل القنانيص
يا ما ويا ما وهقوا كل خراص=واليا نشب صعبت عليه المخاليص
ما له من الواقع مفرٌ ومحواص=ولا ينفعه كثر العذر والملاويص
إما غدا وراء شبابيك وأقفاص=وألا أنهكوه وخلّوا الغالي ارخيص
واللي يتعامل معهم بصدق وإخلاص=يصبر على فقر السنين المعاويص
ويعيش مثل اللي على أرباع وأنصاص=أهل البطون الجايعات المخاميص
عبدالله المسعلي