اخواني الافاضل
هذه مشاركة بعدما سمعت الكثير من المشايخ والعلماء
يحثون المسلمين على الدفاع عن رسول الله صلى الله عليه وسلم
حيث قال العلماء كل مسلم يجب عليه ان يدافع عن الرسول صلى الله عليه وسلم
بحسب القدره والاستطاع وكل في ما يجيده من مجال
وقد كتبت هذه القصيده على عجالة من امري وحثيت فيها بعض معارفي الشعراء على المشاركه
والشعراء هم (عايض بن حيبان - كاشخ - ومحسن المسردي- وخالد معدي)
املي ان يكون عملي خالصاً لوجه الله
يالله يامنزل تبارك وياسين = ياعالم اسرار العباد وعددها
يامرسل محمد نبي للثقلين = نبوته مابه نبوه بعدها
نبوته فيها البشر جاوا قسمين = قسمٍ يصدقها وقسمٍ جحدها
وتبت يدين مكذبين النبين = بالنار بعد الموت ربي وعدها
وتبت يدين الدانمارك الخبيثين = وماتت قلوب الحاقدين بحقدها
المشركين الكافرين المعادين = الله يشل رجول الأعداء ويدها
واقول ياشعار وين الغيورين = وين المواهب دام هذا وعدها
وين الرجال اللي تدافع عن الدين = وفي المنتدى شعار ما احصي عددها
قم يانديبي وامش حسب العناوين = صعب المواقف عارفين ولدها
عايض ولد حيبان سقم المعادين = الشاعر اللي لابغاها وجدها
قله يابوحيبان وين العرب وين = ترى سكوت الشاعر امر ودها
ولا كثير الناس لاسكتوا زين = سحابة يسبق مطرها رعدها
وان قلت بعده يانديبي على وين = قلت انخ كاشخ والعلوم بسندها
ومحسن وخالد لربعه بعد الالفين = ذولا عما عين العدو ورمدها
خلوا الغزل والمدح والسب بعدين = نبيكم نبيكم وش بعدها
والله يعز الدين يا دولة الدين = والله يهين اهل البلا في بلدها