المرة لما تسوق

[كونان]

الفصل الأول :
وحدة أول ما سمحوا بالسواقة راحت للمعارض تدور على سيارة الدركسون باليمين طول
عمرها راكبة يمين وصعب التغيير
وحدة معييه تقطع رخصة الوجة ما يساعد للصورة وحطت صورة رجلها وكتبت عليها حرمه
من زين وجهه
وحدة حالفة يمين ما تسوق وفي الشارع رجال
واحد عربجي حالف على حرمته ما تسوق تماتيك
واحد محافظ حالف على حرمته ما تسوق قير أرضي لو تموت
وحدة تخاف تقلب الشريط تنقلب السيارة
واحد مطلق حرمته اذا جت تسوق تحط رجلها اليسار علىالطبلون يعني محترفة


الفصل الثاني – في الصناعية الورش + قطع الغيار
وحدة طالبه لون الكفرات على لون الروج والطيس على لون أظافرها
وحدة طالبه بواجي من ياردلي
وحدة تطلب رمان بلي مقلم وبدون حب ما عندها سنون
وحدة تبي الكبوت تفته وزم عند الباب الأخير
وحدة تبي الماطور ورا والسبب ما تشوف اللي قدامها الكبوت يأخذ عليها مسافة
وحدة تبي موية الرديتر من (كارتير) ووحدة عجوز تبيها موية ورد
وحدة تبي الزيت مخلط ملكي
وحدة من زود اللعانة حاطه الدركسون وراء علشان التضليل مسموح فيه ورا وبس
وحدة تدور على بستم ما تدري وشو ولا تبيه أصلاً بس تسمع انه يرفع
وحدة ما تعلم وش تغيير لسيارتها من زيت تخاف العين


الفصل الثالث – عند الأسواق
ولا وحدة تعرف توقف بالمواقف وتشوف السيارات داخله في بعضها ولا
يطلعونهم الا بونش
كل وحدة واقفه في سيارتها وتنتظر زوجها يطلع من السوق
فيه وحده سواقة ليموزين متضاربة مع وحدة تسوق باص والروج ملطخ الدنيا (راعيه
الباص ما تعرف الروج (ديرم) ويخب عليها
وحدة عند باب السوق معها لكزس وتنادي زوجها بعد مانزلته ابغير زيت وارجع لك
وحدة على طريق طريق الرياض تبيع كراث وكليجة ونعناع المدينة<<< هذي بتعجب زميلة القسم رذوووذة


الفصل الرابع – في الدوام
واحد تمر عليه زوجته وتستأذن له ولية أمره
وحدة تودي بزرانها الصباح ولا ترد الا الليل تدور
وحدة بس شغلها الشاغل وشلون تدق إشارة يمين وإشارة يسار وهي ماشية للمدير حقها


الفصل الخامس – منوعات
شرطيه ما وراها الا تمسك الحلوين أمثال ابورويشد وأول ما تسأل عن رقم التليفون
والحالة الإجتماعية
فيه وحدة مروجة مخدرات تلف بونيت أحمر بس على العيال وكلمة السر الشكمان وردي
شريطية بدل ما تحرج تغني لأحلام راعي المعارض .


<---------- وتقبلوا فائق تحيات هالمملوح

[ناصر بن هذال]

رررررررررروعه .....يعطيك الف الف عافيه.

[رذاذ الشوق]

اقتباس: وحدة من زود اللعانة حاطه الدركسون وراء علشان التضليل مسموح فيه ورا وبس

هههههههههههههههههههههههههههههههههههههههههههههه
هذي فيها عرق حوطيه خخخخخخخخ

اصلا التضليله ماسمحو فيها الا عشان الحرمه وعشان كذا سمحو فيها تضلل فيها ورا عشان نفتش براحتنا ( وناسه)

اقتباس: وحدة طالبه لون الكفرات على لون الروج والطيس على لون أظافرها

ياحبيلنا طول عمرنا نحب التميز وانا اشهد ان الدنيا من غيرنا ولا شيء الله يخلينا حنا يالحريمات

طيب ادور اقتباس ثاني ...

اممممممممممممممم

اقتباس: وحدة تبي الزيت مخلط ملكي

د

وهذا الدليل الثاني اننا نحب التميز ... ياحبيلنا مرة اخرى

اقتباس: وحدة على طريق طريق الرياض تبيع كراث وكليجة ونعناع المدينة<<< هذي بتعجب زميلة القسم رذوووذة

هذي انا ياكونان
بس ليكون صورتني وانا ابيع
انصحك اذا مصورني تمسحها عشان ماتتنتشر بالبلوتوث ويشوفها شايبي ثم يطلقني
ثم تهدم بيتي
ويتشتتون ويدشرون وراعيني
شفت شلون .. كل هذا بسبب انك صورتني وانا ابيع عشان لقمة العيش

اقتباس: واحد تمر عليه زوجته وتستأذن له ولية أمره

ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
الله يرجك ياكونان على ذي الجمله ههههههههههههههههههههه
اخر زمن المرة تصير وليه للرجل واذا دخل السجن هي اللي تكفله خخخخخخ

اقتباس: <---------- وتقبلوا فائق تحيات هالمملوح

ايه بالحيل والدليل البنات متزاحمات على باب المنتدى وكل وحده معها لوحه مكتوب عليها ( كونان وبس )
وانواع الاعجاب والدليل انهم فرضو عليك بالمنتدى انك تتلثم بشماغك عشان ماتهجج البشريه مثل ماهجو من خشتي ويحسبون الموقع موقع رعب :29:

خخخخخخخخخخخخخخخخخ امزح معك خيوووه ولا تزعل

شكرا على ذا الموضوووع وانشالله اذا سقنا وامنعو قيادة الرجل للسياره راح تخف المصايب والحوادث لاننا نعومات ومانفحط ولا نسرع

[بدون اسم]

ههههههههههاااااااااااااي

ياليتهم ما اسمحوا للمرأه بالسواقه >>>> مصدق

[brain storm]

لو تسوق المرأة عندنا....
1- تكثر الحوادث والسبب غشامة الانثى والرجال المساكين ماغير متلصقين بعواميد النور بسبتهن..
2- كثرة القسائم المرورية..وعلى حسابنا طبعا ..فرجل المرور ذو القلب الرحيم سيشفق عليهن .لكن وراتب العسكر مضمونة من كثرةالقسائم وبفوائد بعد...
3- تزدهر حركة تجارة قطع الغيار وورش صيانة السيارت ( من زود الغشامه) وفي رواية من فرط الغشامه...وينصح في هذه الحاله التحول من سوق الاسهم والعقار الى الاستثمار المربح والاكيد في مجال ورش السيارات وصيانتها...وايضا محلات الزينه ..تعرفون الحريم يبون شيء مختلف..اكسسورات مطعمه بالذهب وشكل ماركات عالميه مثل ايف سان لوران وجافنشي بتحول لصناعة الاكسسوارات ..
4-شركات التامين ستربح وبنسب خياليه...البركه في حريمنا..
5-سيكون من شروط الزاج مقدما..ان تكون الزوجه حاصله على رخصة قياده معترف بها وقد مارست القيادة اثناء اوقات الذروة..
6- طبعا حتى نحافظ على التقاليد والعادات..يجب ان تكون ورش الصيانه نسائيه بحته..وهذا يتطلب الاتي:
7- معاهد فنيه لصيانة المركبات والسيارات...وتخريج المؤهلات وضخهن في سوق العمل السعودي
8-يتم تنظيم العمل على شكل احزاب ذات تمثيل عالي في وزارة العمل ومكتب العمال فيكون لدينا
9- حزب البنشريات_ منظمة سمكريات بلا حدود_ شلة كهربائيات الانس_وهيئة المكيانيكات فوق العاده...
10 -ومن اجل ان تحافظ الانثى العامله على المهنه فانها تجلب ابناءها وبناتها لتعليمهم اصول الشغله بدل ما يصيروا عواطليه ..
11- تزدهر تجارة مواقف السيارات الخاصه والبركه في النساوين..
12-تخف نسبة الديون بالنسبه للذكور..وما يحتاج يتسلف ويتدين ..كل واحد يدور له صديقه والمهم ان يحسن اختيار المركبه ..
وفي ورش الصناعيه..ترى العجب العجاب...عربجيات- فتوات نسائيه...
مثل: فاطمه ديلكو- ليلى ابو جلبمو- منيره الجلبه- حليمه شمبر- ولا ننسى مديفره الرقعه..
اما فئة الناعمات من بنات المهنه..فلدينا صافيناز تابلوه-راشيل فريول-ياسمين السسته..وامل بوجي

وما خفي كان اعظم.......
تحياتي..........

[كونان]

برين ستورم اشهد انك خطيييييييييييييييييييييييييييييييير

[brain storm]

وانت مابعد شفت شيء...!!!!
بس تعرف القضية الشرق اوسطيه مؤثرة على تفكيري..وعليه فان حس الدعابه اضمحل وانقرض...
لكن الامل معقود على حضرة جنابكم والبقية ننتظر ابداعكم وهرطقتكم هنيه
تحياتي...

[كابتن ماجد]

موضوع خطير يحتاج له طباعة وقراءة بتمعن وتخيلات

مرة رحت الامارات وانواع البلاوي من الحريم في سواقتهم تصدقون مرة كنت رايح للامارات والحريم الله يستر مرة كنت حاط رجلي الا وحدة تمشي على بيض يمكن تمشي 60 او 50 وتبي تتجاوز سيارة وهالكلام بين ابو ظبي ودبي والحمدلله الله ستر


طيب سؤال يسدح نفسه اذا بنشرت في الطريق ولافيه أحد فزع تتوقعون هي تغير كفر السيارة ايه هين

ومرة واحد يسولف انه رايح عمان وبغت وحدة تسبب لهم حادث بقطع الاشارة (شكلها متأخرة على عرس)

[brain storm]

بالنسبة لمشكلة البنشر محلولة ....
اما انهم يصنعون للنساوين كفر محجر ( تخبر السياكل القديمة اللي كفرها محجر)...
ويازينها الوحده ماشيه بسيارتها وهي تنطنط....
والحل الثاني...يخلونهن يسوقون على الجنط...بدون كفر ..
ياسلام..تسمع سيمفونيات ولا اروع...وكل وحده لها ضجيج وقرقعه خاصها بها تميزها عن غيرها...
ما يحتاجون كفر ابد...
تحياتي.........

[رذاذ الشوق]

لمشاهدة مشاركات هذا القسم يجب ان تكون مشاركاتك 10 أو أعلي. عد مشاركاتك حالياً 0 . <<< يعني ذي العضلات ما ملت عيونكم ...

ياحليلكم شايلين همنا بفك وشيل الكفر

لو لاكم ولولا شركم كان يمدينا سقنا

المفرووض نتفق نحن يامعشر النساء و نسقيكم قارورتين هستووب عشان تنامون يومين وناخذ راحتنا بالشوارع والسواقه

عاد يوم تصحون تلقون بيت مخروق جداره لين اخر الغرف وطالع وخارق جدران البيت اللي بجنبه

ومواصير الكهرب مشتته يمين ويسار

والاشجار منتفه كنه هابه عليها خريف اوروبا من شدة سرعة السياره اللي تسوقها الحرمه

وتلقون برقع ناشب فوق سلك الكهرب مع شباصه فسفوريه والسلك الثاني بقايا جديلة حرمه وعليها حناء :29:

والسيارت منعدمات وصايرات سياميات من شدة الصدمه خخخخخخخ

والحريم في حاله الله يعلم بها اللي دايخه

واللي صايره كنها طرازان من اوراق الشجر اللي قشتهم

واللي فاقدة عدستها الزرقاء من عينها اليمنى

واللي روجها وكحلها متلطخ ع وجهامن شدة السرعه وعجزت تسيطر عليها

واللي مضيعه تبي تضغط فرامل دعست على البنزين لين جابت عيد الفطر والاضحى


وبس