ياليت منهو ليامن راح لفراشه=يلقى بداله بساط الريح مفروشي
افراشه اللي زهى طرزه ونقاشه=لاشك في الليل فيه الهم منقوشي
لا جيت برتاح به والجنب لاناشه=وأنا وهمي وهو نلتف ونهوشي
من شافني قال هذا فيه رعاشه=ما يدري انه عرض لي فلم مرعوشي
فلم ٍ من الهم يعرض لي على شاشه=تحت الحجاجين لا غمضت برموشي
فلم ٍ من اخراج قلبي يبرق فلاشه=وانتاج فكر ٍ يجيب الهم ويحوشي
أحيان أصير البطل بأدوار بطاشه=وأحيان همي بطل وآصير مبطوشي
اهموم تزرع وفيه هموم حشاشه=وأحترت والقلب مزروع ٍ ومحشوشي
ومن دم قلبي سقى زرعه برشاشه=ومن زود جوره يحصده وهو مرشوشي
وليته يروح بحصاده غير ما حاشه=في القلب مستودعه حوش ٍ ورى حوشي
أجراس همي تقول أجراس خراشه=لا دقت أجراسها فزيت مربوشي
أنظر بنفسي علي غتره ودشداشه=وليا تمنظرت لا بدله وطربوشي
وأنغش فكري وجاب أدوار غشاشه=ونهاية اخراج قلبي فلم مغشوشي
وأسباب الإنتاج والإخراج والطوشه=خل ٍ سحرني بخد وقد ورموشي