وين ووين

[ناصر بن سالم]

[poem=font="Simplified Arabic,5,black,bold,normal" bkcolor="transparent" bkimage="http://www.jash.net/vb/images/toolbox/backgrounds/17.gif" border="double,5," type=0 line=0 align=center use=ex num="0,black"]

وين وين
-
سر ياقلم واكتب ترى سكنة الليل=يحلى بها قطف القوافي والافكار
اليا رَقَّد الخالين وليا بين سهيل=اتبع افكاري يا قلم وانت تختار
ارسم مشاعر واحدٍ ذايق الويل=من ذا الزمان اللي على صاحبه دار
بار الزمان وبينت به غرابيل=واول غرابيله به الحر يحتار
وراك يا دهرٍ عن الحق بك ميل=غربلتنا يا دهر ياشين وش صار
وين البيارق وين ذكر الرجاجيل=اهل العوايد والفخر واهل الاذكار
وين الرجال متعّبت ضمر الخيل=وين الشيوخ مزبّنة ناقل الثار
وين المجالس وين ذباحة الحيل=وين الوفى والجود مع حشمة الجار
وين الدلال الصفر وين المعاميل=وين السوالف عند شبابة النار
وين العفاف ووين حلو التعاليل=برياض غاشيها من الغيث سبار
بارد ثراها توها علّها السيل=يغنيك عن فرش السجاجيد نوّار
بين البيوت الشامخات المداهيل=مثل الهضاب ولفها الليل بستار
ويقطع سكون الليل مثل الزلازيل=صوت الفحل يرزم على كل معطار
يهدر ويرزم بين حيل ومشاويل=بين امهاته معتلي كنه اجدار
ويحلى السهر مع لابسات الخلاخيل=طخم البنات خدودهن كنها اقمار
ريحة نسمهن مثل ريح الفناجيل=ريح العويدي خالطه ريحة بهار
وغير السوالف مانحصل محاصيل=سلم البداوه ما على سلمها غبار
هذي طرات العمر يا فاهم القيل=مع طاعة الله بالعمل سر وجهار
-
ناصر بن سالم
-[/poem]

[faisal_UK]

رآآآئعة يابو عبدالله ... يسعدني أن أكون أول المعلقين ..

وين المجالس وين ذباحـة iiالحيـل وين الوفى والجود مع حشمة iiالجار
وين الدلال الصفر ويـن iiالمعاميـل وين السوالف عنـد شبابـة النـار

كم أفتقدها ... صح لسانك يابو سالم .. وخالص شكري لاتحافنا بهذه القصيدة

الرائعة بمعنى الكلمة

تقبل فائق الاحترام والتقدير

[faisal_UK]

أقسم با الله انك شاعر يابو سالم ..

وأقسم با الله انها طرات العمر ... اي والله ..

ريحة نسمهن مثل ريـح الفناجيـل ريح العويدي خالطه ريحـة iiبهـار
وغير السوالف مانحصل محاصيـل سلم البداوه ما على سلمهـا iiغبـار
هذي طرات العمر يا فاهـم iiالقيـل مع طاعة الله بالعمل سـر iiوجهـار

ما أصعبه من موقف عندما تستولي عليك الحيرة ... اي شيء يستحق الاقتباس!!!

الي الأمام ... ايها المبدع ... وما أجملها من ذكريات ... ربما تعود يوما ما ...!!!

مودتي الخالصة ... ودمت بخير ..

[ناصر بن سالم]

فيصل

الأروع من القصيده تكرمك بتصفحها وشعورك الطيب

وصدقني ان سعادتي لا يمكن وصفها عندما اشعر ان هناك من يشاركني الأماني والحنين الى الماضي حيث الكرامه والرجوله والنقاء

اشكرك جزيل الشكر

ولك تحياتي

[مجموعة انسان]

وراك يا دهرٍ عن الحق بـك ميـل غربلتنا يا دهر ياشيـن وش صـار

لاجديد ولاغرابه في الابداع :رهيب:والتمييز :رهيب: يا بو عبدالله



لك مني كل شكر وتقدير واعجاااااااااب :يصفق::يصفق:

[محسن المسردي]

:رهيب:

[Shabeeb]

مشكور ابو عبدالله على الدرر
يسلمي هاللسان يا زلمه :يرقص:

[بريق الالماس]

[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter="":0c2da634df]
بار الزمـان وبينـت بـه غرابيـل واول غرابيله بـه الحـر iiيحتـار




الف الشكر يا ابو سالم




على القصيده الرائعه





وتقبل تحياتــــــــــــي
[/poet:0c2da634df]

[فــــــــــــــــــــــوق]

أبو عبدالله أعلم توقك للبداوه

و أطلب تسجيل أسمي في فريق التواقيين للبداوه, و القصيده هيضتني أن أتوجه الأن لأقرب بر. أشعر بمعاناة أخونا فيصل في الغربه أعانه الله, يا فيصل عليك بالكنتري سايد و كلها خيمه , و معاميل و العزبه ما عليك أشر و ترسل لك في أسرع وقت.

[محسن المسردي]

Re: وين ووين

[poet font="Arial,5,black,normal,normal" bkcolor="transparent" bkimage="backgrounds/17.gif" border="groove,5,gray" type=2 line=200% align=center use=ex length=0 char="" num="0,black" filter="":7f1eb0234a]
اليا رقد الخالين وليا بين سهيل=اتبع افكاري يا قلم وانت تختار
[/poet:7f1eb0234a]

[align=center:7f1eb0234a]أبو عبدالله

لن أقول صح لسانك

لأن هذه الكلمه أصبحت مستهلكه

بل سأقف عاجزاً عن الكلام أمام هذه المقطوعه

المتفرده ... وأشكرك

فقد أمتعت ذائقة الجميع

أخيراً هناك من يشير لي أحياناً بأنني

كثير الملاحظات وما حملني على هذا

هو حرصي على أن أصل الى أعلى درجات

الإستمتاع والإبحار في أعماق هذه القصيده

والتي تشرفت بسماعها عن طريق الجوال

قبل فتره .... أبو عبدالله

أعتقد أن البيت المقتبس يوجد به خطأ املائي

أرجو التأكد

وتقبل شديد اعجابي

تحياتي،،،
.
.[/align:7f1eb0234a]

[طالب الغفران]

السلام عليكم ورحمة الله وبركاته .....


الله الله الله ..... وما شاء الله .


يا دهر أنصت ويا تاريخ سجل .....


الاخ / ناصر سلمت وسلمت قريحتك .

[الصابر]

الاخ ناصر صح لسانك
ويازين البداوه احسن من عيشتنا الحين تليفون,,,,اوامر,,,,,مكاتب,,,وكمبيوتر
قصيده رائعه وصح لسانك

[ناصر بن سالم]

مجموعه

الف شكر على مرورك


وتقبل تحياتي

[السفير]

أبو عبد الله




:رهيب:

:رهيب:

:رهيب:

:رهيب:


:رهيب:


:رهيب:


:يصفق1:


:يصفق1:


:يصفق1:


:يصفق1:


:يصفق1:




من دواعي سروري أنني تشرفت بسماع هذه القصيدة منك مباشرة






تحياتي لك

[صادق الكلمة]

ويحلى السهر مع لابسات iiالخلاخيل
طخـم البنـات خدودهـن كنهـا iiاقمـار
ريحـة نسمهـن مثـل ريـح iiالفناجـيـل
ريـح العويـدي خالطـه ريحـة بـهـار
وغير السوالف مانحصـل iiمحاصيـل
سلـم البـداوه مـا علـى سلمهـا iiغبـار
هـذي طـرات العمـر يـا فاهـم iiالقيـل
مـع طاعـة الله بالعمـل سـر iiوجهـار

ابو عبدالله

صح السانك مليوووووووووووووووون

لا يعني لم يعجبني سواء ما اقتبست لا والله جميعها رائعه

ولكن ابحرت مع بعض منها