راعي الفتنه

[أبو جود]

[poem=font=",6,,normal,normal" bkcolor="transparent" bkimage="http://forum.jash.net/mwaextraedit2/backgrounds/73.gif" border="none,4," type=0 line=1 align=center use=sp num="0,black""]
سرى ليلي وانا ياناس لاصاحي ولا مجنون=اجاري همي الساكن واصيح بصوتي العالي
الاياصمتي الجاني والا ياسري المدفون =والا يامن سمع صوتي عليكم باشتكي حالي
عناي استنت اركابه وخابة في رجاي ظنون= وصار الضيق لي ديره بها حلي وترحالي
تبعت اوهام غداره بثرها عايش ومغبون = ولاكنت احسبنها ياعرب هي سبت هبالي
تعاهدنا على حفظ الامانه واحلفت ماخون = وانا صادق واصدق لاهرج بلسانه وقالي
غديت بذكره اتسلا والامنه بدى بالكون = ترحم واطلب من الله يريحني بمنزالي
وهبته كل مافيني وقلبي بالولع مسكون = شريته يوم بعض الناس مانشريه بريالي
جزاي انكر جميع اللي عطيته حضرت المزيون =تناسا كل ماقلته وحطم باقي امالي
وانا اللي كنت احسبنه على قول البشر مضمون = طلع من جملة الغاوين ياعزاه لامثالي
انا قررت يالغاوي لاصير بدنيتي موزون =واعيش برجمي العالي وابا عديك فنجالي
ابيك تعرف منهو اللي يصير بخنجره مطعون = تذوق المر واتميز عقب تاليه بالحالي
انا ما ارضى على نفسي وابي غيرك بعد يدرون = اعيش بعز ما افكر من اللي يمسك حبالي
واناما ارضى على نفسي ولو غيري بعد يرضون = عزيز النفس لو جارت سنيني بانكس اعقالي
باخلي راعي الفتنه يصير بكلمتي مرهون = واصير بحكمه الفايت ولا يطري على بالي [/poem]

[أبو محمد]

صح السانك 00000000000000000000000ياباجود
قصيده فيها تأنيب الذات والعتب والندم من بعض المعارف 000صح السانك

[!! تقوى الهجر !!]

صح لسانك يابو جود


ومن طول الغيبات جاب الغنايم .. والله يبعد عنا اصحاب الفتن مامنهم الا الخساره والله

[أبو فـلاح]

صح لسانك يابو جود ...
فعلا غنيمة الغياب هذه القصيدة الرائعة ...

[الذيب2010]

يامرحبا واعداد ما هب نسناس = بك يا خوي الطيب ذرب الفعالي = هيضتني يا خوي والوضع حساس = اللة على اللي ما يدل الطوالي = صح اللة لسانك يابو جود قصيدة رائعة ولا فيك حيلة تقبل تحيات اخوك الذيب

[أبو جود]

[align=center][table1="width:95%;"][cell="filter:;"][align=center]ابومحمد
تقوى الهجر
ابوفلاح
الذيب
شكرا عى مروركم الذي يزيد القصيده جمالا ويزيدني شرفا ولكم خالص تحياتي
الذيب الله لايهينك على الابيات وبيض الله وجهك ووجيهكم جميعا[/align][/cell][/table1][/align]

[السوبر]

ابو جود انت شاعر مبدع اتمنى ان لاتنقطع عن الشعر بسبب بعض من يعتقدون انفسهم نقاد شعر وهم في الحقيقه يرمون الى امور الكل يعرفها ويسعوون الى التقليل من شأن الشعراء الحقيقين فأنت شاعر من بيت شعر وموهوب لكنك حساس اكثر من اللازم في زمن ماتت فيه مشاعر الناس وتصدر بعض الحمقى والجهلة المجالس والكل اصبح يهرف بما لايعرف والله المستعان.

[زمان يافن]

صح لسااااااااانك

[أبو جود]

[align=center][table1="width:95%;"][cell="filter:;"][align=center]السوبر [/align][align=center]
بيض الله وجهك وجمل الله حالك على المرور وهذا من طيبك طال عمرك
اماعن اللي يعذلون ويكسرون المجاديف فانا اقولها لك والله ماهمني من يعذل ويتكلم بشي مايفهمه يقول المثل ماعلى السحاب ؟؟؟؟؟؟؟؟ وانت فاهم الباقي اما عن الحساسيه الزايده يمكن معك حق بس انا ابتعد عن الشعر بكيفي وانا اخوك يعني ماتعودت اغير قناعتي بسبب شخص او غيره وهذا ماهو غرور لكن اعتقاد وقناعه عندي بالعكس هذا يزيدني اصرار على اني اقدم شي جديد والحقيقه ارضاء الناس غايه لاتدرك حتى الشعراء الكبار على مستوى الخليج مايسلمون من النقد فما بالك بنا شعراء تونا ماوصلنا لربع مستواهم ومره ثانيه اقولك لاهنت على كل حال
زمان يافن
صح بدنك ومشكووووووور على مرورك [/align][/cell][/table1][/align]

[الذيب2010]

الاخ العزيز ابو جود جمال القصيده وروعتها جعلني لا امل قرائتها كيف لا نقرا قصائدك وعمك حمد هادي المسردي ذاك الشاعر الاسطوره ولا انسا ابوك الشاعر الذي يطلق عليه حاليا شاعر قبيلة المسارده تقبل تحياتي اخوك الذيب