البارحه ما بين صاحي ونايم....
كني صغير يسهر الليل مفطوم
لين اذنوا في المسجد اهل العمايم..
وقالو صلاة الفجر خير من النوم
كني صغير يسهر الليل مفطوم
لين اذنوا في المسجد اهل العمايم..
وقالو صلاة الفجر خير من النوم
-
-
رفيقاً على وقت الشدايد يجي بوار@@@@@@@@@ حراماً على مرافقه في الرخا واللينتعليق
-
ياقطع قلبي عقب ماشفت النصايب@@في حزم جاش والعود مدفونتعليق
-
انبيك يا من كلمة الحـق ترضيـة
اعطيك ما ينفعـك وافهـم كلامـى
قصـرن يذلـك لا تقابـل مبانيـة
خلة عسى شامخ طويلـة هدامـى
خلة عسى ما صاب اغادير يفنيـة
يودع منازلـة الطويلـة رجامـى
لوزان مدخالـة وطالـت حواميـة
شيّد على الخيبـة قليـل الرحابـى
وحـى يوريـك المذلـة وتغليـة
أنا أشهد أنك ميت القلـب عامـى
مـن لا يـودك لا تـودة وترجيـة
ارفع مقامك يـا عزيـز المقامـى
ارفع مقامك عن عـدوك وتوذيـة
ويلحقك من تركت رفيقك ملامـى
حق الرفيـق وواجبـة لا تخليـة
يلزمك مثـل الوالديـن الحشامـى
اختر عزيز الجار والحـق يعطيـة
شبل على هرجن يقولـة يحامـى
ما دك بة عرج المذلـة وطاريـة
يسبق على فعل الفضيلة شمامـى
ومن قارب الاجرب بالامراض يعدية
عدواة تسطى باللحـم والعظامـى
درب السلامـة بيناتـن مماشيـة
ودرب العطب يرث عليك اللكامـى
ابعد وقلبك نـازح البعـد يشفيـة
وتلقى عن الدار البغيضـة مقامـى
دارن بدار وداعـى الـذل عاصيـة
ولا تقبل الذلـة نفـوس الكرامـى
الـذل مـوت حايمـات ضواميـة
ادخل على منزل فروض الصيامـى
عن مقعد بالـذل عينـك تراعيـة
الموت عند الذل امـان وسلامـى
يرضى المذلة من تـردت هقاويـة
والذل يجفل منة قلـب العصامـى
والعبد لة رب عن النـاس يغنيـة
ولولاة ما صاب الهدف كل رامـى
من اجمل ما خطه محمد بن احمد السديري(رحمه الله)تعليق
-
اخذت قلبي وروحي وش لك بعيني _ ماتدري انك عيوني الي اشوفبهاتعليق
-
امسيت من وصل المواليف مزاح..........واصبحت من فرقا المواليف مفجوعتعليق
-
حملي ثقيل وشايله باحتمالي
واصبر على مر الليالي والاتعاسء
وارسي كما ترسي رواسي الجبال
ولا يشتكي ضلع عليه القدم داسء
لا خبا ظني بالرفيق الموالي
ما لي مشاريه على نايد الناسء
لعل قصر ما يجيله ظلالي
ينهد من عالي مبانيه للساسء
الأمير محمد بن أحمد السديريتعليق
-
الليل هم وحزمة جروح وأوراق
وأنا اتناثر بـ آخر الليل وأبقى
ما غير اولّع كل تناهيد الأشواق
واللي بقى من الشوق دمعات حرقى
ما أقول ضاق الصدر لكن إذا ضاق
تتكسر ظلوعي على الروح واشقى
وحدي وعيوني تمتلي وجيه وفراق
كان البكا فرقى ورى دموع فرقى
يا طيب! تاخذني على الناس بعناق
والحين أنا وياك والحزن نبقى
معقول ما مرّوا على بحر الاحداق
ولا شافوا دموعي من الشوق غرقى!
هذا انا من الليل واقف ومشتاق
وهذي كفوفي من الوله دوم عرقى
من ليل واشراقٍ الى ليل واشراق
وارجع..اعيد حكاية الليل وارقى
وارقى انتظر بالليل نجمي اذا فاق
واصاحبه حتى السما تصير زرقا
وابقى وحيد ولا معي غير الأوراق
اكتب جروحي بآخر الليل وابقىتعليق
-
ارقدي ياعيوني دام مالش نصيب ،ماحصل شوف من تغلين غير ارقدي
كن مالش وليف وكن مالش حبيب ،دونش الحظ الاقشر والزمان الردي
حاااااااااااااادي الوجدتعليق
-
قالوا :بعيد .؟! وقلت :إي والله بعيد ... زين إن كانه بعيد ولآنســــــــآنيتعليق
-
لولاكـ ماعشتـ ساعهـ ولايومـ
ولولاكـ ماعشتـ عمريـ دقيقهـتعليق
-
اذا قصدك تعذبني فديتك ريح اعصابك...
تراك في ناظري اصغر من انك تحرق اعصابي...
انا الي في العلا شامخ ولاارضى الهون باسبابك...
وانا الي اثني اعزومك وابيعك دون لااهابي...
وش المعنى تجافني وترجع شايل اعتابك...
انا ماني على كيفك متى تبغى اتسلابي...
رفعتك من الدنى الواطي وشلتك عالي اهضابك...
ويوم اعليت لك شانك تجي الحين تهزا بي...
حشا والله ماتسوى بعيني حفنة مترابك...
ولانزل يوم مالعالي كمن قدره على ترابي...
وقليل الشان لو يكبر يتوق فدرب متشابك...
ومهما في العلا يرقى باصله دوم ينعابي...
اذا قصدك تعذبني فديتك ريح اعصابك...
تراك في ناظري اصغر من من انك تحرق اعصابي...
تعليق
-
ليه الدمـوع وليـه كثـر الونينـي=ليه الغضب ليه العتـب والمشاريـه
ليـه الكـلام اللـي يبيـح كنينـ=يشي ٍ يزيـد آلام الايـام مـا ابيـه
تكفيـن كفـي دمعتـك وارحمينـي=قلبي من اسبابـك يكفيـه مـا فيـه
يكفينـي اللـي بثـه البعـد فينـي=بين الرجا والياس وقتـي مقضيـه
قلبي حزيـن وحسرتـي تكتسينـ=يوش عاد باقي في يدينـي واسويـه
خليت لاجلـك كـل قاسـي يلينـي=صادمت روس ٍ لاجلك الموت تشريه
وانا عاش راسي واسعفتني سنينـي=لاروي ضما قلبي بقربـك واهنيـه
ولو يزرعون الغـام بينـك وبينـي=نذر ٍ علي لامشي الـدرب واطويـه
واشيل روحي فوق راحـه يمينـي=وابيع عمري لاجل شوفتك واصخيه
واجيك لو دونـك سيـاج ٍ متينـي=دامك رجا قلب ٍ بعطفـك غمرتيـه
حبك زرعته وسـط قلبـي وعينـي=واسقيتـه بدمعـي ودمـي يغذيـهتعليق
-
لاتنسى الشاعر
الفكرة جيدة والبيوت اغلبها طيب....لكن بعض الشباب ينسى ان ينسب القصيدة لشاعرها وهذا فيه
اساءة لشّاعر وغير مسموح بة ادبياً.تعليق
-
العين عيا يجيها النوم من مابي -------- والهم عيا يفارق خاطري الذاوي
ولجاني النوم كنه غفوة إرهابي -------- من بعد تعذيب والجلاد ما ياوي
هذه الأبيات ليتعليق
تعليق