بسم الله الرحمن الرحيم
جاب ابن وسام زينات الوصايف=من بنات الفكر قام يشب ضوه
شاعر(ن)لاجابها ماهوبخايف=مايخاف النقد ولسان المفوه
يمدح اللي مركبه بالحيل كايف=ابيض لونه يحالي لون نوه
لاانطلق بالخط يسمع له وحايف=كن وحيف السيل من خلفه وتوه
مثل سيل(ن) جاك من روس النوايف=يطوي البيدا ويقطع كل جوه
صنعة اللي دينهم كله طوايف=مايعرفون الرساله والنبوه
صممو في داخله كل الوظايف=يعجبك ممشاه في عزمه وقوه
مركب اللي ماحسب كثر الكلايف=مايهمه مبلغه كثره وشوه
قبلنا خيال مومية السفايف=وصفه للناس وصف(ن) مايتوه
والله اني ماالحق النفس الحسايف= يوم اجاري شاعر(ن)كله مروه
الشاعر عجب بن حمد المسردي