محاوره مع سفير المحبه

القحطاني

طلب محاوره مع سفير المحبه

ياسفير المحبه ودي آخذ علومك = ودي آخذ معك واعطيك وابحث خفاك
اغتنم ياسفير الحب ليلك ويومك = الله اللي عطاني والله اللي عطاك

أبو فيصـل · 07 / 08 / 2006, 56 : 11 PM

مرحبا عد مابان وعلا من نجومك=لاتناظر سمانا ونجمتك في سماك
الله يكفي العرب من شرك ومن سمومك=ياكتاب جديد ماحد(ن)قد قراك

القحطاني · 08 / 08 / 2006, 57 : 02 AM

يامدرب دفاعك لاتهمل هجومك = وانت لو تكشف اوراقك عرفنا مداك
وانت لاخفت من خصمك من اللي يلومك = عاد علمي وراي وعاد علمك وراك

محمد الحياني · 08 / 08 / 2006, 13 : 03 AM

صحت السنتكما

ووفقكما الله

ابداع منكما

وااااااااااااصلوا

أبو فيصـل · 08 / 08 / 2006, 27 : 12 PM

بنصحك قبل لانبدى تقدر خصومك=عادنا بالسعه والعلم مني وجاك
جمرتك طفها من قبل تحرق هدومك=وانت يالي تشكى في يدينك دواك

القحطاني · 08 / 08 / 2006, 59 : 11 PM

سلمنا في الحقيقه مايخالف سلومك = وانت لو تعرف اسمي ماتشك بغلاك
يا صديقي ترفق لاتغرك عزومك = عادنا في البدايه لاتخالف خطاك

أبو فيصـل · 09 / 08 / 2006, 37 : 04 AM

ابن عم(ن) ولازمنا يجي من لزومك=وهوانا يوافق يارفيقي هواك
دام ماتظهر اسمك لاتبين قدومك=فيه منه كفاني وفيه منه كفاك

ابن غوينم · 09 / 08 / 2006, 50 : 04 AM

واصلو والله يعطيكم العافيه وحنا ماسكين الصفوف

القحطاني · 10 / 08 / 2006, 04 : 04 AM

لك صديق (ن) يعرف مغادرتك وقدومك= وان لقيته هنا ولا لقيته هناك
مير في مصر لاتجرح صلاتك وصومك = ذيك الاولى فداي وجعل هذي فداك

أبو فيصـل · 10 / 08 / 2006, 01 : 06 AM

اكد العلم لافضح سيرتك وسط قومك=ولب دعوة رفيق يوم سافر دعاك
في مصر ماعلينا منك لو كثر لومك=طاوع اللي يدور ياصديقي رضاك