محاورة بين عبدالله المشعلي ومحمد المسعودي .. قراءة وتحليل

[عبدالله المشعلي]

محاورة بين
عبدالله المشعلي ومحمد سعيد المسعودي

=عبدالله المشعلي
سلام الله على اللي قريبٍ واللي بعيد = احد داره قريبة واحد داره بعيده
يا ليت محمد سعيد يوفي بالمواعيد=لكن اللي خذا الوقت لا يمكن يعيده
=محمد بن سعيد المسعودي
الأ يا مرحبا والزمن يحتاج تجديد = عسى شيٍ مضى باقي منّه شريده
أبي تاكيد و أكد لك الموضوع تاكيد =يوم انك تذكر الوقت وش اللي تريده
=عبدالله المشعلي
ترى ذا الوقت باح الرصاص من البواريد= لكن لا تنظر الناس بالعين الوحيده
ليا منا ركزنا العلم في نايف الحيد=احد يكسر عموده واحد ما تنوشه ايده
=محمد بن سعيد المسعودي
انا ما ودي اكشف خفاها للمقاريد= ولا ابغى العلم بين العرب يسعى بريده
وأنا تفاق واحدد الأهداف تحديد= وإذا صارت كذا وشهو اللي تستفيده
=عبدالله المشعلي
أبعرضك حزمٍ مثل حزم الجلاميد= أما تصبح وليده والا تصبح فقيده
واليا سقنا المعاني مثل سوق المعاويد= نصب الماء على الساقي وخضراء الجريده
=محمد بن سعيد المسعودي
تهددني وأنا شايبك وأكون لك سيد=نسيت أني معلمك في نظم القصيده
وأنا بنشدك نشدة خفا من غير تهديد= ويش اللي صار لك في لقا شاعر عبيده
=عبدالله المشعلي
حصل لي ما حصل للصواير من خشم زيد= هذا علمي تبي تنقصه وإلا تزيده
لكن بنشدك ويش بتسوي ليلة العيد=اليا جا العيد كلٍ يبي يلبس جديده
=محمد بن سعيد المسعودي
باجهّز لي ذلولٍ آديب تلفح البيد= تطاوعني وهي من طرف غيري عنيده
وخلك في ظهر موترك مع زيد وعبيد= تجي وتروح يم العمل فوق الحديده
=عبدالله المشعلي
ذلولك بأول الوقت شفناها تراديد=وعنها غرّك النوم وأحلامك سعيده
أظنك ما سلمت الملامة والمناقيد= ولكن ويش عذرك عسى أيامك مديده
=محمد بن سعيد المسعودي
ذلولي جاعلٍ وسمها عادك على الديد=ولا تحتار بين الوليده والتليده
اليوم تعبت أدور لها بين الأجاويد=وضاعت بين ناس يشبون الوقيده

من وجهة نظري الشخصية ان اي محاورة
تحتاج إلى قراءة وتحليل وخاصة في أسلوب الشعراء
في الفتل والنقض من خلال معطيات المحاورة مع عدم التصريح بالمعنى

الذي تدور حوله المحاورة لأن ذلك من خصوصيات المحاورة

وهذا اليوم انقل لكم هذه المحاورة

وأترك قراءتها وتحليلها
للأخ { الذيب 2010 }
لنستمتع جميعاً
بتعليقه وتحليله للمحاورة
من وجهة نظرة
وتحياتي للجميع

[الصريح]

وافي يابومبارك ولايجي منك الا كل علم طيب
وصح السانك انت والمسعودي
وننتضر الذيب يحلل المحاوره حسب طلبه
(الشاعر ان اخطى لوله ما اخطى الثانيه)
عبدالله لاتحرمنا جديدك من النظم
المنتدى في حاجه منذ زمن لقصيده لها روح والروح غائبه
ولكن مادمت انت وامثالك موجدين ف الشعر بخير
تقبل مروري وسجل اعجابي بشخصك الكريم خلقا وشعرا
ولكم مني

اطيب المنى،

[حاكم العفاريت]

ابيض وجه يا قحطاني
وماقصرت وننتظر الذيب وانا اعرف انه محترف وليس هاوي.

[حاكم العفاريت]

عندي استفسار هل الشاعر محمد بن سعيد المسعودي
هو الي كان يغني حقة الزلامي( الا ياحمام الورق ما شفة ولا جاك) ياخي عمره اكثر من 80 سنه ويحاور على النت...الله يحفظه ...

[أبو محمد]

صح السانك 0 0000000يابو محمد
وصح السان0000000 المسعودي 000000محاوره قويه ولايستغرب لا منك ولا منه 00
قوة الفتل والنقض 00000000والمعنى 000000000محاوره رائعه

[شبيه الريح]

ياسلام هذا الشعر ولا بلاش

الحقيقة يابو مبارك انه تواضع منك ان تترك تحليل هذه المحاورة لشاعر ليس له أي تجربة شعرية في المحاورة
انت شاعر علم والمسعودي كذلك وشاعرنا الذيب لايزال في بداية الطريق

[عبدالله المشعلي]

اقتباس: المشاركة الأصلية كتبت بواسطة الصريح     وافي يابومبارك ولايجي منك الا كل علم طيب وصح السانك انت والمسعودي وننتضر الذيب يحلل المحاوره حسب طلبه (الشاعر ان اخطى لوله ما اخطى الثانيه) عبدالله لاتحرمنا جديدك من النظم المنتدى في حاجه منذ زمن لقصيده لها روح والروح غائبه ولكن مادمت انت وامثالك موجدين ف الشعر بخير تقبل مروري وسجل اعجابي بشخصك الكريم خلقا وشعرا ولكم مني اطيب المنى،

الصريح سلمت ودمت ولا هنت

تشرفت بمرورك ولك تحياتي وتقديري

[عبدالله المشعلي]

اقتباس: المشاركة الأصلية كتبت بواسطة حاكم العفاريت     ابيض وجه يا قحطاني وماقصرت وننتظر الذيب وانا اعرف انه محترف وليس هاوي.

اقتباس: المشاركة الأصلية كتبت بواسطة حاكم العفاريت     عندي استفسار هل الشاعر محمد بن سعيد المسعودي هو الي كان يغني حقة الزلامي ( الا ياحمام الورق ما شفة ولا جاك) ياخي عمره اكثر من 80 سنه ويحاور على النت...الله يحفظه ...

حاكم العفاريت

سلمت ودمت ولا هنت

الشاعر هومحمد بن سعيد المسعودي

وهو لا شك من الشاعراء المعروفين

وطالما أنك تشك في مصداقية المحاروة ونقلها

وانت تعرف محمد بن سعيد المسعودي بإمكانك أن تسأله شخصياً

كيف تمت هذه المحاورة وهل هي فعلاً صحيحة او غير صحيحة

وكذلك بإمكانك أن تدخل على ( قوقل ) وتجد الجواب ..

شكراً لك وتشرفت بمرورك

ولك تحياتي

[عبدالله المشعلي]

اقتباس: المشاركة الأصلية كتبت بواسطة الأمير السنافي     وافي يابومبارك ولايجي منك الا كل علم طيب وصح السانك انت والمسعودي تقبل تحياتي لك

الأمير السنافي

سلمت ودمت ولا هنت


تشرفت بمرورك وتقبل تحياتي

[عبدالله المشعلي]

اقتباس: المشاركة الأصلية كتبت بواسطة أبو محمد     صح السانك 0 0000000يابو محمد وصح السان0000000 المسعودي 000000محاوره قويه ولايستغرب لا منك ولا منه 00 قوة الفتل والنقض 00000000والمعنى 000000000محاوره رائعه

أبو محمد

سلمت ودمت ولا هنت


تشرفت بمرورك


تحياتي لك