محاوره جديده مع عايض بن حيبان

مناحي معدي المسردي

ياسلام الله على اللي يسدون اللزوم =مكرمين الضيف والجار يامالا الغناه
هات ياعايض علومك وخذ مني علوم = ياصديقي كلنا نعرف القدر وغطاه

أبو محمد · 14 / 02 / 2013, 15 : 03 PM

ياهلا يامرحبا عد ودان الغيوم = يارفيق تكسب الطيب من كل أتجاه
خابر انك يامناحي على الشده عزوم=تطلب العلم القصاوي وعلمك من وراه

مناحي معدي المسردي · 14 / 02 / 2013, 11 : 07 PM

حط في برنامجك صوم يوم وفطر يوم = ثم تصير ايامكم كلها صوم وصلاه
مشكلتك انك تحط النقط فوق الرقوم =والحروف أم النقط مالها عندك طراه

أبو محمد · 14 / 02 / 2013, 26 : 07 PM

لا توصي واحدٍ يّدّي الفرض ويصوم =ماخذاله منهج مايناسب للحياه
منهو اللي سالم منك ما قد جاه لوم =نظرتك للكل فيها تشره واشتباه

مناحي معدي المسردي · 14 / 02 / 2013, 38 : 07 PM

نبرتك فيها زعل وانت غالي ومحشوم = كيف ازعل واحد مقدر اوصف غلاه
جيت في مركز دفاع وانا مركز هجوم = دايم اقول لبيه وانت تقول هاه

أبو محمد · 14 / 02 / 2013, 48 : 07 PM

انت حبك مثل حب المصالح مايدوم = لاطراله ينتهي من خلاه وفي خلاه
من تلقى هجمة الناس مجبور يقوم =ماله الا ينثني دون ماله ويحماه

مناحي معدي المسردي · 16 / 02 / 2013, 06 : 01 AM

شكل ابو حيبان جوه ملبد بالغيوم = كل بيت من زميله يمشيه بهواه
ماحصل نقطة تلاقي توافق للعموم = صاحبي لاقلت قرب يلقيني قفاه

أبو محمد · 16 / 02 / 2013, 20 : 01 AM

صاحبك يبغاك في عالي الاجواء تحوم =ينبسط لسمع بيتك ولامنه قراه
حاول ان السالفه ماتجي دون اليموم=راعي الابداع وشلون ينقص مستواه

مناحي معدي المسردي · 16 / 02 / 2013, 34 : 01 AM

نرجع لموضوعنا اللي سبق وانت مخدوم=ودي اوجه لبعض العرب لفت انتباه
الحيا عم المدينه ورابغ والجموم =والبحر واجد ولا يروي الضميان ماه

أبو محمد · 17 / 02 / 2013, 24 : 01 AM

دام رديت المغادر على باب القدوم = فاخدمه فيما يريده ولا تبحث خفاه
الحيا يقسم من الله وكلاً له قسوم= دبرة المعبود واللي سقاه الله سقاه