قصيدة مدح في الشيخ /مناحي شبيب

[عيد بن عبدالله بن هرسان]

بسم الله الرحمن الرحيم
السلام عليكم ورحمة الله وبركاته وبعد
اخواني اعضاء ومشرفين وزوار هذا
المنتدي الغالي
رجعنا لكم بناْ علي طلب المشرف الغاااالي
سلطــــان
وحبيت ان تكون اول مشاركه
قصيده مهداه لوالدي الشيخ / مناحي بن شبيب

الشعر هذا اليوم نوخ رحاله = توه يروق الشعر ويزين جوه
في مدح شيخ كل ما جا مجاله = لازم بطيبه كل شخص ينوه
الطيب كنه واحد من عياله =بينه وبين الطيب ياناس خوه
تنفق يمينه ماتعلم شماله = طيبه سحاب ضلل القاع نوه
وقت الشدايد حظ منهو لجاله = لانه لجا لراعا الوفاء والمروه
من قلده ياناس ما زان فاله = توه يقلد راعي الطيب توه
الشايب اللي فيه طيب وشكاله = كفاه ربي شر وقته وسوه
يروق لا شاف المسايير باله =ويشعم علشان المسايير ضوه
وينفق ليا شاف النشاما حلاله = مثل الجبل من قاعه الى علوه
جبل مراجل فيه عز وبساله =يفداه من لسم المراجل يشوه
يقولها اللي يفتخر دام خاله =مناحي اللي فيه طيب ومروه

وسلامتكم وابو خالد يستاهل دواوين مدح

[زمان يافن]

ارحب ياعشق بدوووي

جزله ومن جزل

وابو خالد لو نتكلم عنه لن نوفيه حقه

تحياتي

[أبو محمد]

يامرحبا ومسهلا يا بو عبدالله وبيض الله وجهك وجه من دعاك

[سلطان]

أرحب أرحب أ رحب ياعشق بدوي

يامرحبا ومسهلا بالشاعر الغالي

يامرحبا ومسهلا بالشاعر الراقي

يامرحبا ومسهلا بالشاعر الوافي

يامرحبا ومسهلا بالشاعر النادر

صح السانك يابوعبدالله ولاهنت على قصيدتك في والدي الشيخ مناحي بن شبيب ونور المنتدى بجيتك يالغالي

ومن أسعد اللحظات رجعتك لمنتداااك يابوعبدالله

شهادتي فيك مجروحه ياعيد لكن والله العظيم لقيت الكثير

والكثير من متذوقي الشعر الذين يشيدوون بشعرك فيا مرحبا

بك ومشكور جزيل الشكر على تلبية دعوتي لك وهذا منتداك

يابوعبدالله ويتشرف بوجودك فيه وأتمنى ان أجد جديدك دائما

فيه تقبل كل شكري وتقديري وأحترامي لشخصكم الكريم،،،

[نور18]

ارحب يابو عبدالله وبيض الله وجهك

صح لسانك

[الخلاوي]

وقت الشدايد حظ منهو لجاله
لانه لجا لراعا الوفاء والمروه

صح لسانك ويستاهل ابوخالد ابو الجميع
يعجز الكلام لكي نوفيه حق من حقوقه

[General]

وينفق ليا شاف النشاما حلاله.................. مثل الجبل من قاعة الى علوه

أرحب يابو عبدالله نور المنتدى بوجودك وصح لسانك على هذي القصيدة الاكثر من رائعة وأبو خالد مهما كتب فية ما نوفية حقة وعسى الله يطول بعمرة أعواما عديدة ومعودنا على القصايد الجزلة

ونبي منك أكثر،،،،،،،،،،،،،،،، تقبل مرووووووووري

[خط القدر]

ارحب يا ابوعبدالله

صح لسانكـ ياشاعرنا

ويستاهل ابو خالد الرجل الذي حفر اسمه من ذهب

ابو عبدالله لاهنت طال عمركـ ولا يستغرب منكـ هذا الشئ

وابوخالد لو بنتكلم عنه سنفتح كتب ودوواين ومكتبات لكي نوفيه حقه

ابو عبدالله مشكور مره اخرى وننتظر منكـ كلما هو جديد

تقبل مروووووووووري اخوكـ خــــــــــط الــــــــــــــقدر

[الكاتب]

الشايب اللي فيه طيب وشكاله
كفاه ربي شر وقتـه وسـوه
يروق لا شاف المسايير بالـه
ويشعم علشان المسايير ضوه
صح لسانك يا شاعرنا المميز وابو خالد يستاهل والله يطول بعمره

[هزازي]

ارحب يا ابو عبدالله...

نورت المنتدى بعودتك...

وقصيدة اكثر من رائعه في ابونا جميعا...

وما اقول الا اني ادعي الله انه يطول لنا بعمره..