أبومحمد أرحب والله يحيك وكفيت وفيت في جميع المداخلات السابقه وانا ليس لدي شيئ أختلف فيه عن الأخوان الا سؤال بسيط هو هل لجاش من شعرك نصيب وذا كان ذالك ارجو ارفاق عدة ابيات وشكرآ
تسلم يالحر النادر والله يبقييك
ونصيب جاش من قصيدي نصيب الاسد واختار لك منها هذه القصيده
الا يابو فالح هاضني بارق سمّار = لطم في السّحايب لين هلت عبايرها
تحاذف بروقه من يمين البلد ويسار= غيومه بوسط القاع نكث صرايرها
تزفار غيمه يوم ترعد يجي تكرار= اتعيّن دموعه في الفيافي حوايرها
تقادح بروقه مثل مايقدح التيار=غيومه تهل عبارها من محاجرها
لعله يروح لدار ربع(ن) تعز الجار=ربوع(ن) توسّع خاطر اللي يزاورها
ربوع(ن) تفرج كربة اللي غريب اديار=وتّبذر على فعل المراجل تجايرها
على دار ربعي اعوال مسرد حماة الدار = عزاز النفوس معززة من يقاصرها
هل القنه اللي ينطحون العدو لاغار=يردّون كيد اللي تثّور ذخايرها
ربوع(ن) لياجات العزاوي وضرب النار= وحمي الوطيس يعّود الخصم ذايرها
يعود المعادي من لقاهم بذل وعار =وفيه الخساره بينات (ن) خسايرها
ترى الورع منهم يكفي اللي وراه اكبار =وفيه المراجل كاملات عناصرها
وترى بخيلهم ينحر مطاياه للخطّار =وخوافهم يكثر بضده كسايرها
فلعل السحاب اللي على دار نجد(ن) دار = يسّند لهم ويفيع طاري بشايرها
وياخذ سحابه فوق جاش الخضر مقدار =يهمل على القنه وعالي وعايرها
يسيل مسايلها ويفطر بها المخضار=تصير المزارع نصف خضرة ظهايرها
العرض الشجري
