سلطان نت على طاري الخرفان حصلت لي قصة حقيقية 100 % في عيد الضحية اللي فاتت
طبعا اهلي في العيد يذبحون حوش غنم خخخخ كل من له خروف يجيبه و يجمعونهم بالمسلخ عندنا و يذبحونهم القصابين
و اخواني و ابوي الله يحميهم سوبرمان و عياله خخخخخخ يذبحون لنا و لجده
و انا بزعمي كات ومن يعني المرأة النمر حقتهم و الا بشوف و ابي امسك و اخواي يا بنت روحي يا بنت ابعدي يا بنت انتبهي يا بنت اعقلي و واحد من اخواني قاعد يتهددني ان ما عقلت و غديت بنت مثل البنات و ارتزيت على الكراشي تحت المضله بيمسكني اسلخ معه
طبعا انا انواع الجنان و الاستهبال في العيد والله مدري ليه مع اي اخاف بس و هم معي احس اني بطلة البطلات
بس تحرفنت و قربت من الخرفان و ينطلق واحد منهم مثل صاروخ ارض ارض و يلحقني و اا طبعا في ذاك اليوم عرفت قدراتي الصوتيه في الصراح و انواع الرعب و عرفت اني عندي لياقة ممتازه اقدر اكون من قافزين الحواجز او ابطال الجري و فجاة و لا ادري كيف لقيت نفسي متعلقة في رقبة الوالد و امي تزاعق بنتي
بنتي وش فيها
بنتي
و جده بزعمها هي اللي بتنقذني فديت خشمها
و اخواني كانهم يشوفون فلم كوميدي و يكركرون و ابوي يقول البنت تقعد مع البنات و انا اقول خلاص ابي اروح عند امي باب تكفى ودني باب تعال دخلني
و دخلت بامان بس انواع الدموع لدرجة اني ماشفت الدرب و غدوا يدلوني الدرب
كان عيد رائع مع اني بغيت اموت من السكته القلبية
بس هذاني و انتظر العيد القادم
|